1. Картаны, PIN кодты, CVV/CVC кодтарын, құпия сөздер мен растау кодтарын ешкімге, тіпті банк қызметкерлеріне де бермеңіз
2. Карта деректерін жақындарыңызға айтпаңыз – бұл жеке ақпарат
3. Басқа адамдардың өтініші бойынша карталарды ашпаңыз
4. Сенімді құпия сөздерді пайдаланыңыз және оларды үнемі, әр 3–6 ай сайын жаңартып отырыңыз
5. Қосымшадағы хабарламаларды қосып қойыңыз — олар арқылы күдікті операцияларды тез байқауға болады
6. Егер деректер үшінші тұлғаларға қолжетімді болды деп ойласаңыз — картаны бірден қосымша арқылы бұғаттаңыз немесе 7373 нөмірі бойынша қоңырау шалыңыз

Картаны немесе оның деректерін үшінші тұлғаларға беруге Қазақстан Республикасының Қылмыстық кодексінің 28 және 190-баптарына
сәйкес тыйым салынған. 

Егер мұндай жағдай орын алса, операциялар шектелуі, ал шотқа қолжетімділік уақытша бұғатталуы мүмкін.

Сіздің ақшаңызды қорғау үшін біз сізден жеке басыңызды растауды немесе құжаттар ұсынуыңызды сұрауымыз мүмкін

• Ақша сіздің рұқсатыңызсыз есептен шығарылуы мүмкін
• Сіздің жеке деректеріңіз алаяқтардың қолына түсуі мүмкін
• Карта бұғатталуы мүмкін
• Шотқа қолжетімділіктен айырылуыңыз мүмкін
• Кейбір жағдайларда Қазақстан Республикасының Қылмыстық кодексінің 28 және 190-баптары бойынша қылмыстық жауапкершілікке тартылуыңыз мүмкін

• Қосымша кредит

Қысқаша: алаяқтар ескі кредитті жабу үшін «жаңа кредит» ресімдеуді ұсынады.
Не істеу керек: бөтен адамдардың өтініші бойынша кредит ресімдемеңіз. Қосымшада кредит мәртебесін тексеріп, банкке қоңырау шалыңыз.

• «Қауіпсіз» шот

Қысқаша: алаяқтар қауіпсіздік үшін ақшаңызды «қауіпсіз шотқа» аударуды сұрайды.
Не істеу керек: банк ешқашан бөтен шоттарға ақша аударуды сұрамайды. Ақша аудармаңыз және қолдау қызметіне хабарласыңыз.

• Жалған дауыс

Қысқаша: ЖИ таныс адамның дауысын келтіріп, сеніміңізге кіреді.
Не істеу керек: егер алаяқтар ақша немесе деректерді беруді сұраса — сол адамға таныс нөмір арқылы қайта қоңырау шалыңыз немесе мессенджерде тексеріңіз.

• WhatsApp-тағы алаяқтар

Қысқаша: алаяқтар кіру кодтары арқылы аккаунтқа толық қолжетімділікке ие болады.
Не істеу керек: SMS-кодтарды ешқашан ешкімге жібермеңіз. Оператор арқылы SIM-картаны/аккаунтты бұғаттап, құпия сөздерді өзгертіңіз.

• Жалған курьерлер

Қысқаша: алаяқтар қоңырау шалып, өздерін курьер ретінде таныстырады. Жеткізу мекенжайын растау қажет деп айтып, 1414 қысқа нөмірінен немесе Aitu_pass, e-Salyq Azamat қызметтерінен келетін кодты айтуды сұрайды.
Не істеу керек: SMS және қосымша арқылы келген кодтарды ешкімге айтпаңыз. Күмәндансаңыз — әңгімені аяқтап, ресми курьер қызметіне өзіңіз қоңырау шалыңыз.

• Жалған инвестициялық компаниялар

Қысқаша: жоғары табысқа шығуды уәде етіп, ақша аударуды сұрайды.
Не істеу керек: белгісіз жобаларға инвестиция салмаңыз. Лицензиялар мен компания туралы пікірлерді тексеріңіз және банкпен кеңесіңіз.

• SIM-картаны ұзарту

Қысқаша: оператор атынан қоңырау шалып, нөмірді растауды немесе қайта шығартуды сұрайды.
Не істеу керек: телефон арқылы келген сұрауларды растамаңыз. Оператордың ресми нөміріне өзіңіз қоңырау шалыңыз

• Ақпарат көздерін мұқият тексеріңіз

1. Ақпаратты тек ресми сайттар және банк қосымшасы арқылы тексеріңіз 
2. Күдікті сілтемелер бойынша өтпеңіз
3. Бейтаныс адамдар жіберген сайттарға деректерді енгізбеңіз

• Карта деректерін қорғаңыз

1. Картаның суретін ешкімге жібермеңіз және оны әлеуметтік желілерде жарияламаңыз
2. HoptoDesk, TeamViewer, Anydesk, RustDesk және т.б. қашықтан қол жеткізу бағдарламаларын жүктемеңіз

• Қорғанысты күшейтіңіз

1. Күрделі құпия сөздерді және екі факторлы аутентификацияны қолданыңыз
2. Қосымша мен операциялық жүйені үнемі жаңартып отырыңыз

Бастысы жылдам әрекет ету керек:

1. Қосымша арқылы картаны бұғаттаңыз немесе 7373 нөміріне қоңырау шалыңыз
2. Қосымшадағы және басқа сервистердегі құпия сөзді өзгертіңіз (дәл сол құпия сөз болса)
3. Картаны жақын орналасқан бөлімшеде қайта шығарыңыз.
4. Осы жағдай туралы 102 нөмірі немесе qamqor.gov.kz сайты арқылы полицияға хабарлаңыз
5. 7979 нөмірі арқылы Home Credit Bank-ке қоңырау шалыңыз – біз операцияларды тексеріп, шотқа қолжетімділікті қайтаруға көмектесеміз
6. Қажет болса, 116 нөмірі арқылы Антифрод орталығына хабарласыңыз

Барлығын қалпына келтіруге болады — ең бастысы жылдам әрі жүйелі түрде әрекет ету керек

Егер сіз алаяқтыққа тап болсаңыз:

• Полицияға — 102 нөмірі немесе qamqor.gov.kz сайты - «Полицияға өтініш беру» бөлімі арқылы
• Ұлттық банктің Байланыс-орталығына — 1477 қысқа нөмірі арқылы
• Home Credit банкке — 7979 нөмірі арқылы: біз операцияларды тексеріп, картаны бұғаттауға көмектесеміз

Неғұрлым тез хабарлассаңыз, ақшаны қайтару және алаяқтарды тоқтату мүмкіндігі соғұрлым жоғары болады

• Біз алаяқтардың жаңа схемалары туралы алдын ала ескертеміз
• Күмәнді операцияларды бақылап, бұғаттаймыз
• Қосымшаның қорғаныс деңгейін үнемі жетілдіріп отырамыз
• 7979 нөмірі арқылы кеңес береміз және көмектесеміз

Бұл алаяқтар-дропперлердің схемасы. Олар сіздің атыңызға карта ашуды немесе кредит ресімдеуді сұрайды, содан кейін заңсыз операцияларды жүргізеді.

«Өтініш бойынша көмектескен» болсаңыз да, жауапкершілік сізде болады. Бұл Қазақстан Республикасының Қылмыстық кодексінің 28 және 190-баптары бойынша қылмыстық құқық бұзушылық болып табылады.

Картаны құмар ойындар немесе қаржылық пирамидалар сияқты заңмен тыйым салынған операцияларға пайдаланбаңыз