Сақтандыру қиын жағдайлардан сақтандырмайды, бірақ сақтандыру төлемі сондай жағдайларды шешуге көмектеседі. Осы мақалада біз полистің қалай жұмыс істейтінін, нені сақтандыруға болатындығын және сенімді сақтандыру компаниясын қалай таңдауға болатындығын талқылаймыз.
Бастамас бұрын келесі ақпаратты білу қажет:
Сақтандыру — бұл күрделі тақырып. Ол ТМД елдерінде аса танымал емес. Сондықтан бірден түсіну қиынға соғуы мүмкін. Келесі терминдерге назар аударайық.
Сақтандыру объектісі — бұл сақтандырылатын нәрсе. Оған өмір, денсаулық, мүлік, жауапкершілік және т.б. жатады.
Сақтандыру сыйлықақысы — бұл клиенттің сақтандыру компаниясына шарт жасасу кезінде төлейтін ақшасы.
Сақтандыру тәуекелдері — бұл шарт бойынша сақтандырылатын жағдайлар. Мысалы, егер сіз таулы аймақта тұрсаңыз, тұрғын үйді жер сілкінісінен сақтандыруға болады.
Сақтандыру жағдайы — бұл бір немесе бірнеше сақтандыру тәуекелдерінің басталуы. Бұл сақтандыру тәуекелдеріне ұқсас, бірақ алдыңғы мысалда жер сілкінісі сақтандыру жағдайы болып табылады.
Сақтандыру сомасы — сақтандыру жағдайы кезінде сақтандыру компаниясы клиентке төлеуге міндеттенетін сома.
Пайда алушы — сақтандыру жағдайы кезінде ақша алатын адам. Бұл компаниямен шарт жасасқан адам немесе шартта көрсетілген басқа тұлға, мысалы туыс болуы мүмкін.
Ассистанс — сақтандыру компаниясының шетелдегі серіктесі. Ол сақтандыру компаниясы (және саяхатшы) мен медициналық мекеме немесе көлік компаниясы арасындағы делдал.
Сақтандыру қалай жұмыс істейді?
Егер клиент бір нәрсені сақтандырғысы келсе, ол шарт жасау үшін сақтандыру компаниясына жүгінеді. Шарт бойынша компания сақтандыру жағдайы орын алса, өтемақы төлеуге міндеттенеді. Бұл ретте клиент қызмет үшін төлейді.
Өтемақыны шартта көрсетілген адам алады. Шартта клиенттің өзі немесе оның туысы сияқты басқа тұлға көрсетілуі мүмкін.
Сақтандыру компаниясының барлық клиенттері өз полистері үшін төлеген ақшадан сақтандыру қоры қалыптастырылады. Бұл ақша сақтандыру төлемдеріне жұмсалады. Іс жүзінде сақтанушылар сақтандыру жағдайларына ұшырамауы да мүмкін. Сондықтан компаниялар полис құнынан артық сақтандыру сомаларын төлей алады.
Нені сақтандыруға болады?
Әртүрлі компаниялар өз сақтандыру қызметтері мен шарттарын ұсынады. Көбінесе олар келесі объектілерді сақтандыруды ұсынады:
🏠 Жылжымайтын мүлікті сақтандыру. Көбінесе пәтерлер немесе жер үйлер сақтандырылады, бірақ жалдамалы пәтерді де сақтандыруға болады. Егер құбыр жарылып кетсе немесе сымдар жанса, жөндеу жұмыстары үшін немесе көршілерге өтемақы төлеудің қажеті жоқ — сақтандыру компаниясы бұл төлемдерді өз мойнына алады.
| Егер сіз пәтерді, үйді немесе саяжайды сақтандыруды жоспарласаңыз, Home Credit Bank сақтандыру қызметіне назар аударыңыз. Қызмет құны жылына 17 мың ₸ құрайды, ал егер сақтандыру жағдайы орын алса, біз құнды заттардың және сіз бен көршілеріңіз үшін жөндеу жұмыстарының құнын өтейміз. Сақтандыру төлемінің жалпы сомасы — 3 млн ₸ дейін. Толық ақпарат және полисті ресімдеу |
🚗 Көлікті сақтандыру. Автокөлікті сақтандыру үшін КАСКО полисі ресімделеді. Жазатайым оқиғалар, түрлі апаттар, ұрлық, өрт салдарынан автокөлікті қалпына келтіру мүмкін болмаса немесе жөндеу жұмыстарының құны сақтандыру шарты бойынша автомобиль құнының 80%-ынан артық соманы құраса, сақтандыру барлық шығындарды өтейді.
КАСКО тәуекелдердің бір бөлігін ғана өтейді. Мысалы, шартқа тек апаттарды, тек автокөлікті айдап әкетуді немесе өлімді қосуға болады. Сонда полис арзан болады.
| Көлікті сақтандырудың тағы бір түрі — КҚИ АҚЖМС(көлік құралы иесінің азаматтық-құқықтық жауапкершілігін міндетті сақтандыру). Оны КАСКО полисімен жиі шатастырады. Бірақ КҚИ АҚЖМС жауапкершілікті сақтандырады — төлемді зардап шеккен тарап алады. Бұл сақтандыру барлық автокөлік иелерінде заңды түрде болуы керек, өйткені ол апат кезінде зардап шеккен адамға келтірілген зиянның кем дегенде бір бөлігін өтеуге кепілдік береді. |
💸 Денсаулық және мүлікті сақтандыру — кредит немесе ипотека ресімдеу үшін керек. Кредиттеу кезінде сізге сақтандыру ұсынылуы мүмкін. Кредит үшін сақтандыруды ресімдеу міндетті емес, бірақ ол пайыздық мөлшерлемені төмендетуі мүмкін. Ал ипотеканы сақтандырусыз ресімдеуге болмайды: көптеген банктер өз өмірі мен денсаулығын немесе пәтерді немесе екеуін де сақтандыруды талап етеді.
Клиент кредит немесе ипотека үшін сақтандыруды ресімдеп, ауырып қалған немесе жұмысынан айырылған жағдайда сақтандыру қызметі көмекке келеді. Ал банк үшін бұл төлемдердің уақытында түсетініне кепілдік болып табылады.
Біз Home Credit Bank кредиттері үшін қаржылық қорғау бағдарламасын қосуды ұсынамыз. Ол жылдық мөлшерлемені 6%-ға төмендетеді және келесі мүмкіндіктерді ұсынады:
|
🌡️ Денсаулық — ауру мен жазатайым оқиғалар кезінде сақтандыру. Денсаулықты сақтандыру арқылы ауырған кезде сақтандыр компаниясынан қосымша ақша алуға болады. Кейде емделуге көп ақша қажет. Сондықтан денсаулықты сақтандыру өте тиімді болып табылады.
Біз Home Credit Bank ұсынатын полисті қарастыруды ұсынамыз — аурудың 7-ші күнінен бастап әр күн үшін 5 мың теңгеден төлейміз. Бір жыл ішінде ауырған жағдайда 15 күн және жазатайым оқиға кезінде 45 күн өтеледі. Төлемнің максималды сомасы - 300 мың ₸.
|
👜 Денсаулық және тағы басқа — саяхат кезінде сақтандыру. Саяхат алдында денсаулықты ғана емес, сонымен қатар багажды немесе өзіңізді рейстің кешігуінен сақтандыруға болады.
Шетелге барған кезде денсаулық пен өмірді міндетті түрде сақтандыру керек. Әртүрлі аймақтар мен елдердің полис бойынша өз талаптары бар, сондықтан төлем жасамас бұрын сізге қажет ел үшін қандай өтеу шарттары бар екенін тексеріңіз. Сонымен қатар полиске қауіпті спорт түрлерін, мысалы, тауда шаңғы тебуді қосуға болады.
Сақтандырудың бұл түрі шұғыл көмек, диагностика, емдеу және дәрі-дәрмектерді, соның ішінде шұғыл стоматологиялық шығындарды өтейді. Сондай-ақ сақтандыруға көлік шығындары, яғни ауруханаға бару үшін кететін шығындар және қайтыс болған жағдайда денені елге қайтару шығындары кіреді. Қосымша төлем үшін сақтандыруға созылмалы ауруды немесе спорттық жарақаттарды емдеу сияқты басқа жағдайларды қосуға болады.
Багажды немесе құжаттарды сақтандыруды авиакомпания немесе кез келген сақтандыру компаниясы ұсына алады. Рейс орындалмаса немесе кешіктірілсе, осы жағдайлар бойынша да сақтандыру қызметтері бар. Егер визадан бас тартылса немесе сізді елден шығуға тыйым салынса, өтемақы беріледі. Ал рейс кешіктірілген жағдайда сақтандыру компаниясы тамақтану және тұрғын үй шығындарын өтейді.
Саяхатқа аттанарда Home Credit Bank-тен Саяхатшыны сақтандыру қызметіне назар аударыңыз. Сақтандыру компаниясы әртүрлі себептер үшін сапар болмаған, рейс кешіктірілген, құжаттар немесе багаж жоғалған, әуежайда немесе ұшақ бортында жазатайым оқиға орын алған жағдайларда шығындарды өтейді. Үш айдан бір жылға дейінгі мерзімге сақтануға болады. Полис бүкіл әлем бойынша жарамды және құны жылына 5 800 теңгеден басталады.
|
Үй жануарларының денсаулығын сақтандыру. Үй жануарларының аурулары бірден байқалмайды, сондықтан ветеринарлық шығындар күтпеген жерден пайда болуы мүмкін. Бұл жағдайда жануарларды сақтандыру қызметі қажет болады. Оған жарақаттар мен аурулар, соның ішінде созылмалы аурулар немесе кене шағуы сияқты әртүрлі жағдайлар жатады. Мұндай полистер көбінесе ветеринардың онлайн-кеңесін қамтиды, яғни кез келген уақытта жануардың денсаулығы жайлы сұрап тұруға болады.
Сақтандыру компаниясын қалай таңдауға болады?
Сақтандыру компаниялары клиенттерге әртүрлі бағдарламаларды ұсынады. Бірақ тек пайданы ғана ойлау дұрыс емес. Шарт жасамас бұрын келесі критерийлерді ескергеніңіз жөн болады.
- Сақтандыру компаниясының лицензиясы Компанияның Қазақстанда сізге қажетті салада сақтандыру қызметін жүзеге асыру құқығына лицензиясы болуы тиіс. Сақтандырушыны Қаржы нарығын реттеу және дамыту агенттігінің сайтында тексеруге болады.
- Сақтандыру компаниясының жұмыс істеу ұзақтығы. Компания нарықта неғұрлым ұзақ жұмыс істесе, соғұрлым сенімді болады.
- Сақтандыру компаниясының филиалдары. Егер компанияның бірнеше филиалы немесе желісі болса, онда ол елдің әртүрлі аймақтарында қызмет көрсете алады. Бұл ыңғайлы: егер сіз көшіп келген болсаңыз, жаңа сақтандыру компаниясын іздеудің орнына басқа филиалға хабарласуға болады. Филиалдардың тізімін де агенттіктің сайтынан көруге болады.
- Сақтандыру компаниясы ұсынатын бағдарламалар Егер компания әртүрлі салада жұмыс істесе, онда тіпті дағдарыс жағдайында да оның банкротқа ұшырау мүмкіндігі төмен болады.
- Клиенттердің сақтандыру компаниясы туралы пікірлері және сот прецеденттері. Компанияның сақтандыру жағдайы мен мүдделер қақтығысы кезінде қалай әрекет ететінін білу маңызды: іс сотқа беріле ме, сот қандай шешімдер қабылдайды, компания оларды уақытында орындай ма деген сұрақтарға алдын ала жауап алу қажет. Клиенттердің пікірлерін де зерттеген жөн, бірақ жаман пікірлер жақсы пікірлерге қарағанда жиі кездесетінін ескеру керек.
