Кредиттер бойынша мерзімі өткен берешекті реттеу қағидалары

Кредиттер

Дебеттік карталар

Кредит карталар

Депозиттер мен инвестициялар

Сақтандыру

Қызметтер

Калькуляторлар

Басқа өнімдер

Архивтік өнімдер

HCB Business

Бөлімдерге қайта оралу
Кредит бойынша төлем мерзімі кешіктірілсе, не істеу керек?

Кредит бойынша төлем мерзімі кешіктірілсе, келесі әрекеттерді орындау қажет:

  1. Төлем мерзімі кешіктірілген сәттен бастап 30 күнтізбелік күн ішінде банкке жүгіну керек
  2. Төлем қабілеттілігінің нашарлағанын растайтын құжаттарды ұсыну керек
  3. Нысан бойынша толтырылған өтінішті info@homecredit.kz электрондық поштасына жіберу керек. Хатта кредит шартының көрсетіп, растайтын құжаттарды қоса беру керек

Егер құжаттар жеткіліксіз болса, банк қосымша құжаттарды сұрай алады. Оларды 5 жұмыс күні ішінде ұсыныңыз

Өтініш бермей, мерзімі кешіктірілген төлемді өтемесем, не болады?

Егер мерзімі кешіктірілген төлем өтелмесе:

  1. Мерзімі кешіктірілген төлем туралы ақпарат кредиттік бюроға жіберіледі — бұл кредиттік тарихты нашарлатады
  2. Тұрақсыздық айыбы есептеледі — әрбір күн үшін төлем мерзімі кешіктірілген соманың 0,5%-ы, 90 күннен кейін — күніне 0,3%
  3. Банк қарызды сот немесе нотариус арқылы өндіріп ала алады
  4. Шоттарға, мүлікке, шетелге шығуға тыйым салынуы мүмкін, автокөлікті басқаруға шектеу қойылуы мүмкін
  5. Мемлекеттік баждар, нотариус пен сот орындаушысының шығындары қосымша түрде өндіріліп алынады
Мерзімі кешіктірілген төлем бойынша қайда жүгінуге болады?

Мұндай жағдайда:

  • 7979 нөмірі бойынша байланыс орталығына қоңырау шалуға
  • Өтінішті Home.kz қосымша арқылы беруге болады: Басты бет → Жоғарғы оң жақ бұрыштағы сұрақ белгісі → Берешекті реттеу
Мерзімі өткен берешекті ішінара өтеуге бола ма?

Иә, болады. Тіпті ішінара төлем де қарыз сомасын және есептелетін өсімдерді азайтады.

Маңызды ақпарат: сонымен қатар қарызды реттеу бойынша өтінішті қатар беру дұрыс болады

Мерзімі өткен берешектің нақты сомасын және бүгін қанша төлеу керектігін қалай білуге болады?

Бұл ақпаратты қосымшада, жеке кабинетте көруге немесе 7979 нөміріне қоңырау шалып нақтылауға болады. Сома есептелетін қосымша төлемдерге байланысты өзгеріп отырады, сондықтан төлем жасамас бұрын оны тексерген дұрыс

Мерзімі өткен берешекті қайда және қалай төлеуге болады — онлайн немесе тек бөлімшеде ме?

Қосымшада, аударым арқылы, терминалдарда немесе бөлімшеде төлеуге болады

Егер мен мерзімі өткен берешекті төлесем — өтініш бәрібір қажет пе?

Егер қарыз толық жабылса — реттеу рәсімі қажет болмауы мүмкін. 

Егер төлеу қиын болса және қайтадан мерзімін өткізіп алу қаупі сақталса — өтінішті алдын ала берген дұрыс

Қарызды реттеудің қандай нұсқалары бар?

Қарызды реттеудің бірнеше нұсқасы бар. Мысалы, төлем кестесін өзгерту, төлем күнін ауыстыру, жүктемені уақытша азайту. Қорытынды нұсқа сіздің қаржылық жағдайыңызға және құжаттарыңызға байланысты болады

Қандай құжаттар қажет және мәселені құжаттарсыз реттеуге бола ма?

Әдетте кірістің төмендеуін, жағдайдың өзгеруін растайтын құжаттар қажет. Егер құжаттар жеткіліксіз болса — банк қосымша құжаттарды сұратуы мүмкін және оларды жіберуге сізге 5 жұмыс күні беріледі

Өтініштің мәртебесін қалай білуге болады және жауап қайда келеді?

Жауап өтініште, қосымшада, банктің байланыс деректері бойынша көрсетілген тәсілмен келеді. 

Мәртебені қолдау қызметі арқылы нақтылауға болады