Home Credit Bank су тасқынынан зардап шеккен қазақстандықтардың қайғысына ортақтасып, ҚР Үкіметінің олардың зардаптарын жою жөніндегі шараларын қолдай отырып, банктің зардап шеккен клиенттеріне қолдау көрсететінін хабарлайды. Қолдау шеңберінде Банк төлемдерді кешіктіргені үшін айыппұлдар мен өсімпұлдарды есептемей, төлем мерзімін 3 ай мерзімге кейінге қалдыру мүмкіндігін ұсыну туралы шешім қабылдады.
Зардап шеккен Home Credit Bank клиенттері кез келген өтініш арнасы (мобильді қосымша, онлайн чат, WhatsApp, 7979 нөмірі бойынша байланыс орталығы немесе банктің жергілікті бөлімшесі) арқылы төлем мерзімін кейінге қалдыруға өтінім беруі қажет. Содан кейін Банк бөлімшесіне келіп, қосымша келісімге қол қоюыңызды сұраймыз.
Біздің банк әрқашан өз клиенттеріне қиын жағдайларда қолдау көрсетуге тырысады. Біз су тасқынынан зардап шеккен барлық қазақстандықтарға денсаулық пен күш-қуат және аман-есен үйлеріне оралуын тілейміз.