Home Credit Bank өзінің 20 жылдығына орай Шымкентке 100 ағаштан тұратын жасыл аллеяны сыйға тартты. «HCB Business Жасыл аллеясы» экологиялық акциясы Қазақстанның барлық өңірлерінде өтеді. Шымкент қаласында орналасқан А. Асқарұлы атындағы Дендропаркте экожоба шеңберінде банк қызметкерлері мен серіктестері 100 ағаш пен бұта отырғызды.
Ағаш отырғызуға Home Credit Bank басшысы Кирил Бачваров, сондай-ақ эко жобаны қолдаған банк серіктестерінің өкілдері қатысты.
«20 жыл ішінде Қазақстанда жұмыс істеп келе жатқан Home Credit Bank ірі қаржы институтына айналып, банк қызметтерінің қолжетімділігін арттырумен қатар, Қазақстан қалаларының экологиялық жағдайын жақсартуға да үлес қосуда. Екі жыл бұрын біз «Көмектесуге қуаныштымыз» ұранымен жүзеге асырылатын даму стратегиясын бастадық, және бұл экожоба біздің банк клиенттері мен қызметкерлеріне ғана емес, бүкіл Қазақстан қоғамына да пайдалы болуға деген ниетімізді растайды. Қалаларымыздың өмір сүру сапасын жақсартуға өз үлесімізді қосу мақсатында біз еліміздің көптеген қалаларын қамтуға тырысамыз», – деп атап өтті банк басқармасының төрағасы Кирил Бачваров іс-шара барысында.
«HCB Business жасыл аллеясы» жобасы екі жыл бұрын банк тарапынан іске қосылған Home Credit Bank Business онлайн банкінің құрметіне аталды. Бұл экожобаның мақсаты – еліміздегі экологиялық жағдайды жақсартуға үлес қосу және тұрақты даму қағидаттарын жүзеге асыру. Бұл бастама аясында Алматы қаласындағы Алиби Жангельдин атындағы саябақта 100 ағаш отырғызылды. Енді Астанада жасыл аллеяның пайда болуына дайындық жүргізілуде.
«ШОБ-қа арналған цифрлық банк – Home Credit Bank Business – әлеуметтік және экологиялық жобаларды да белсенді түрде қолдайды. Бүгін біздің жасыл аллея Қазақстанның тағы бір қаласында пайда болды, мұнда 1,2 миллионнан астам адам тұрады, және бұл көрсеткіш өсуде. Сондықтан HCB Business жобасы – бұл тек қоршаған ортаны қорғау ғана емес, бұл біздің ортақ болашағымыз үшін жасалған маңызды қадам. Жасылдандыру ауа сапасын жақсартуға және қолайлы микроклиматты қалыптастыруға мүмкіндік беретін бірқатар функцияларды орындауға көмектеседі. Бұл бастаманы біздің серіктестеріміз де қолдады, бірлесіп жұмыс істей отырып, біз Қазақстан қалаларын жасылдандырып, қала тұрғындарының өмір сапасын айтарлықтай жақсарта аламыз. Біздің жасыл аллея Шымкент қаласының қонақтары мен тұрғындарына ұнайды деп үміттенеміз», - деп атап өтті Home Credit Bank ШОБ жөніндегі басқарушы директоры Арина Лепихова.
PPF халықаралық тобына тиесілі Home Credit Bank ESG және жауапты банкинг концепциясын жүзеге асырып, БҰҰ-ның ғаламдық Тұрақты даму мақсаттарына үлес қосуда. 2024 жылы банк «Болашақ үшін қалауымызға ерік береміз» деп аталатын алғашқы тұрақты даму туралы есебін жариялады. Бұл есепте 2023 жылы жауапты және этикалық банкинг саласында қол жеткізілген негізгі жетістіктер жинақталған.
Home Credit Bank халықаралық PPF тобына кіреді. 2025 жылғы 1 ақпанда банк Қазақстанда активтер бойынша 1 трлн теңге көрсеткішімен 12-ші орында тұр. Банктің капиталы 195 млрд теңгені, кредиттік портфелі 785,2 млрд теңгені, ал депозиттік портфелі 514,5 млрд теңгені құрайды.