Келесі жағдайлар сізге де таныс па?
- Ақша жалақыға дейін жетпейді
- Армандаған заттарды әлі де сатып ала алмай жүрсіз
- Ақшаның көп бөлігі қайда кеткенін түсінбей қаласыз
Онда қазірден бастап қаржыңызды бақылауды үйреніңіз. Бюджет жүргізу — бұл өміріңізді жеңілдететін құрал:
- Ол ақшаның қайда кеткенін бақылауға
- Артық шығындарды азайтуға
- Мақсаттар қойып, оларға жетуге
- Өзіңізді сенімді сезінуге көмектеседі
Жеке немесе отбасылық бюджетті жүргізудің үлкен пайдасы бар:
- Қаржыңызды бақылай аласыз. Нақты табысыңыз бен ақшаның қайда кететінін біліп отырасыз.
- Шығындарды басқара аласыз. Жоспардан тыс сатып алулардан аулақ болып, маңызды шығындарды бегілеп аласыз.
- Үлкен мақсаттарға жете аласыз. Демалысқа, оқуға, жөндеу жұмыстарына немесе баспанаға ақша жинай аласыз.
- Уайымдамайсыз. Қаржыңызды тәртіпке келтіріп алсаңыз, алаңдауға себеп болмайды.
1. Ыңғайлы форматты таңдаңыз.
Бюджетті дәптер, Excel кестесі немесе мобильді қосымша арқылы жүргізуге болады.
2. Барлық кірістерді жазып алыңыз.
Жалақы, қосымша табыс, сыйлық — бәрін есепке алыңыз.
3. Барлық шығындарды жазып алыңыз.
Ішкен кофеден бастап коммуналдық төлемге дейін барлық шығындарды жазыңыз. Сонда ақша қайда кетіп жатқанын оңай көре аласыз.
4. Шығындарды келесі санаттарға бөліңіз:
Тамақ, көлік, тұрғын үй, қыдырыс, міндетті төлемдер, қалайтын заттар және т.б.
5. Ай сайын талдау жасаңыз.
Ай соңында қай жерде шығынды азайтуға болатынын, қанша ақша жиналғанын, қандай мақсаттарға жеткеніңізді көріңіз.
6. Өзіңізге мақсат қойыңыз.
Қаржылық жоспарлау тек ақша үнемдеумен шектелмейді. Саяхаттау, білім алу, көлік немесе пәтер сатып алу туралы армандасаңыз, осының барлығын жүзеге асыруға болады.
Home.kz қосымшасында барлық операциялардың тарихы бар. Онда шығындарды барлық карталар және санаттар бойынша көруге, сондай-ақ үзінді көшірмелерді жүктеуге болады.
Бюджетті жүргізудің алғашқы апталарында адам оны енді түсіне бастайды. Сонда шығындар мен кірістердің нақты бейнесі көз алдыңызға шығады. Бір-екі айдан кейін ғана бұл әдетке айналады, ал үш айдан кейін тұрақты қаржылық бақылау дағдысы пайда болады.
Бюджетті ұзақ уақыт бойы жүргізу арқылы
- Шығындардың маусымдылығын көруге
- Сіз үшін не маңызды екенін түсінуге
- Прогресті байқап, алға қарай жылжуға шабыт алуға болады
Ыңғайлы болу үшін күнделікті шығындар мен кірістер жазу үшін дайын кестелерді пайдалануға болады. Мұндай кестелерде келесі көрсеткіштер автоматты түрде есептеледі:
- Күн, апта, ай ішіндегі баланс
- Санаттарға бөлінген шығындар үлесі
- Ықтимал жинақтардың сомасы
Кестені толтыру үшін күніне 5–10-ақ минут қажет, бірақ бір айдың ішінде де нәтиже көруге болады.
- Ертеңгі күнге деген сенімділік
- Кредиттер мен қарыздардан құтылу
- Ақша жинау және инвестициялау мүмкіндіктері
- Бүкіл отбасы үшін пайда әкелетін қаржылық сауаттылық
Өз қаржыңызды бақылауда ұстау — тұрақтылық пен еркіндікке апаратын алғашқы қадам. Бюджетті жоспарлау мақсаттарға жетуге және армандарды орындауға мүмкіндік береді.
Қаржыңызды ертерек қолға алсаңыз, нәтиже де ұзақ күттірмейді. Ақшаны басқара білетін адам еркін өмір сүреді.
Ал қаржыны жоспарлау әдістері туралы біздің басқа мақаламыздан оқыңыз
