Home Credit Bank қаржылық технология және банк бизнесі саласындағы жетістіктері үшін PLUS Galaxy Award Almaty 2024 марапатын алды.
Home Credit Bank бөлшек сауда сегментінде осы жылдың жазында іске қосылған Home.kz жаңа мобильді қосымшасы үшін нарық сарапшыларынан жоғары баға алды.
PLUS Galaxy Award Almaty 2024 сыйлығы Digital Kazakhstan халықаралық ПЛАС-Форумы шеңберінде беріледі және инновациялық қаржылық қызметтер мен өнімдерді әзірлеу мен енгізу саласында жоғары сапа белгісі болып табылады.
Стратегия, серіктестік және Digital Home Credit Bank басқарушы директоры Станислав Тян марапаттың маңыздылығын атап өтті.
«Бұл сыйлық тек біздің банк үшін ғана емес, жаңа мобильді қосымшаны құруға қатысқан клиенттер үшін де маңызды. Сонымен қатар біз ескі қосымшадағы барлық қажетті функцияларды жаңартып, жаңа қосымшаға енгіздік. Осылайша, біз пайдаланушыларға клиенттердің өздері таңдаған барлық қажетті мүмкіндіктерді ұсынамыз», - деп айтты Станислав Тян.
HCB «Цифрлық арналар» өнімінің директоры Алексей Серков атқарылған жұмыстың нәтижесі тамаша мотивация екенін атап өтті.
«Біз жаңа мобильді банкімізді жасау бойынша пікірлері мен ұсыныстарын айтқан клиенттерімізге алғыс айтамыз. Home.kz – бұл жай ғана жаңартылған қосымша емес, бұл қаржыны ыңғайлы басқаруға мүмкіндік беретін жаңа өнім. Қосымша банк клиенттеріне әлемнің кез келген нүктесінен өз кабинетіне кіруге мүмкіндік беретін сенімді құрал болатынына сенімдіміз», – деп атап өтті Серков.
Жаңа HCB қосымшасында тек цифрландырылған банктік қызметтер ғана емес, сонымен қатар жеңілдетілген навигация бар.
Оның тағы бір ерекшелігі — өнімдерді дербес түрде таңдау мүмкіндігі және төлемдер мен аударымдарға жылдам қол жеткізу. Сондай–ақ қосымшада кредиттерді онлайн түрде ресімдеуге және жаңа депозиттерді ашуға болады.
«Home.kz қосымшасын әзірлеген кезде біз 9 мыңнан астам пікірлер мен ұсыныстарды мұқият қарастырдық. Солардың арқасында біз қызметті қалай жақсартуға болатынын білдік. Көптеген функциялар қосылды, аударымдар процесі жылдамдатылды және төлем қызметтеріне қолжетімділік жеңілдетілді. Жақында серіктесімізбен бірлесіп, Home.kz қосымшасына Kaspi QR төлем жүйесін қостық. Енді біздің клиенттерімізге Қазақстанның кез келген нүктесінде төлем жасау үшін біздің қосымшамыз бен карточкамыздың болуы жеткілікті», – деп атап өтті Станислав Тян.
Home Credit Bank–тің болашаққа үш мақсаты бар.
«Біріншіден, біз барлық пайдаланушыларды жыл соңына дейін жаңа мобильді қосымшаға ауыстырып, офлайн–қызметтен онлайн–қызметке көшуді барынша ыңғайлы еткіміз келеді. Сондай-ақ біз жаңа қызметтерді іске асыруды жоспарлап отырмыз. Екіншіден, біз prime пайдаланушыларына назар аударып, біздің карточкамыз арқылы жалақы алатын клиенттер үшін мүмкіндіктерді кеңейтуді ойластырып жатырмыз. Үшіншіден, біз клиенттерімізге тек қаржылық жағынан ғана емес, өмірдің басқа салаларында да көмек көрсеткіміз келеді», – деп қорытындылады Алексей Серков.
Анықтама
Home Credit Bank — инновациялық қаржылық шешімдерді ұсынатын және өз клиенттеріне сапалы қызмет көрсетуге бағдарланған Қазақстандағы жалғыз Еуропалық банк. 2024 жылдың 1 қыркүйегінде банктің активтері 960 млрд теңгеден асып, сегіз ай ішінде 160 млрд теңгеге артты. Осы уақыт ішінде банктің несиелік портфелі 123 млрд теңгеге өсті, яғни қазір 737 млрд теңгені құрайды 2024 жылдың тамыз айының қорытындысы бойынша клиенттер (жеке және заңды тұлғалардың) салымдарының көлемі 476,6 млрд теңгені құрады, бұл сома жыл басындағы сомадан 111 млрд теңгеге артық.
*Қазақстан Республикасының Қаржы нарығын реттеу және дамыту агенттігі берген 17.08.2022 ж. №1.2.36/40 лицензия.