Екі карточканың айырмашылығы неде? Осы тақырыпты талдайық. Ең бастысы – карточкаға кімнің ақшасы салынғанын түсіну.
Егер Сіз жеке қаражатыңызды салсаңыз – бұл дебет карточкасы. Банкте шотыңыз болса, Сізге «дебет карточкасы» беріледі, Сіз оны өзіңіз толықтырасыз. Дүкендерде, интернетте, кез келген жерде төлем жасауға арналған. Төлем карточкадағы қалдық сомаға байланысты жасалады.
Егер банктің ақшасы болса (кредиттік лимит) – бұл кредит карточкасы. Мұндай карточкадағы ақшаны белгілі бір талаптарды сақтай отырып, пайдалануға болады: мысалы, Сіз отбасы мүшелерімен «шопинг» жасап, кредит карточкасымен төлем жасадыңыз, енді Сізге жұмсалған ақшаны карточкаға қайтару қажет.
Карточканың қай түрі тиімді екенін Сіз өзіңіз шешесіз. Бұл Сіздің мақсаттарыңызға байланысты.