Home Credit тобының орнықты дамуы туралы есеп БҰҰ-ның Орнықты даму саласындағы 17 мақсатына сәйкес келеді де, топ жұмыс істейтін барлық 8 елді, оның ішінде Қазақстанды қамтиды.

"Геосаяси жағдайға байланысты Топ үшін бұл қиын жыл болғанына қарамастан, мен біздің компанияның белгілі бір прогреске қол жеткізгеніне және ESG мәселесін жаңа деңгейге шығарғанына қуаныштымын. Біз әлеуметтік инклюзияны нығайтуға, тұрақтылықты арттыруға және халықтың күнкөрісі төмен топтарға көмектесуге бағытталған бірнеше маңызды жобаларға кірістік. Біздің ESG саясатымыз біз жұмыс істейтін елдердегі халықтар үшін жағымды әсер ететініне сенімдіміз", – деді Home Credit халықаралық қаржы тобының бас директоры Радек Плухар,  –"Сондай-ақ қаржы құралдарына қолжетімділік қаржылық сауаттылықпен қатар жүруі керек екенін білеміз. Біз клиенттеріміздің банк өнімдерін дұрыс пайдалануын түсінуіне жауаптымыз".

Home Credit халықаралық қаржы тобының 2022 жылғы Тұрақты даму туралы есебінің маңызды оқиғалары

Жауапты кредиттеу және қаржылық қолжетімділікті қамтамасыз ету:  

• 2022 жылы клиенттердің 42%-ы Топтың қаржылық қызметтерін алғаш рет пайдаланды, бұл көрсеткіш 2021 жылмен салыстырғанда 19%-ға өсті
• Home Credit тобы клиенттерінің 35%-ы өзін-өзін-өзі жұмыспен қамтыған тұлғалар
• Home Credit тобы клиенттерінің 32% -ы миллениалдар
• Кредиттердің 90%-ы цифрлық платформалар арқылы ресімделеді
• Home Credit тобына кіретін қаржы ұйымдарының күнделікті белсенді пайдаланушыларының саны өткен жылмен салыстырғанда 20%-ға өсті

Қызметкерлерге қатысты әділдік:

• Home Credit тобында 75-тен астам ұлтты қамтитын 33 000 қызметкер жұмыс істейді
   
• Қызметкерлердің 89%-ы Home Credit тобында жұмыс істейтіндерін мақтан тұтады
   
• Қызметкерлердің 86%-ы топта өзекті шешімдер қабылдаған кезде әрқашан клиенттерді тыңдау маңызды деп санайды.

Қоғамға көмек көрсету:

• Home Credit тобы жұмыс істейтін елдер 60 қайырымдылық бастаманы 900 000 АҚШ долларына қаржыландырды
• 7 мың украиндық босқынға қолдау көрсетілді
• Индонезияда мүмкіндігі шектеулі 1115 адам веб-әзірлеу бойынша оқу курстарынан өту үшін стипендия алды
• 15 студент Филиппиндегі Ғылым және технология университеті стипендиясын алды
• Алматы қаласының Жедел жәрдем станциясының қызметкерлеріне 3 000 қысқы және 2 000 жазғы форма сатып алуға 253 мың доллар бөлінді

Қоршаған ортаға қамқорлық:

• 84 млн парақ қағаз немесе 10,5 мың ағаш Топта электрондық құжат айналымын енгізу есебінен құтқарылды
• Виртуалды кредит карталарын шығарудың арқасында 14,3 тонна пластик үнемделді және пайдаланылмады
• Home Credit Indonesia «Cycling for Recycling» бастамасы аясында 20 тонна қалдық жиналды
• Қазақстанда 2020 жылы Home Credit Agent (HCA) қосымшасы іске қосылды, ол банк өнімдерін өте жылдам – 5-6 минут ішінде - және толығымен қағазды қажет етпейтін процесс бойынша ресімдеуге мүмкіндік береді. Бұл қосымша қағаз шығынын 80 есе азайтуға мүмкіндік берді. Жоба басталғаннан бері 3,5 жыл ішінде қағаздың үнемделуі 43,7 млн парақты құрады.

«Home Credit Bank» АҚ Басқарма төрағасы Кирил Бачваровтыңайтуынша, «Қазақстандық Home Credit Bank топтың еншілес банктерінен қалыс қалмай, ESG қағидаттарын белсенді енгізуде. Біз бизнес-процестеріміздің бір бөлігін ESG қағидаттары жағынан қарастырып, олардың экологияға әсерін азайтамыз. Сонымен қатар, біз Қазақстанда әлеуметтік жобаларға бастамашылық жасап жатырмыз. Жедел жәрдем қызметкерлерін қолдау – күнделікті азаматтарымыздың өмірін сақтайтын дәрігерлерімізге көмек көрсетуге мүмкіндік берген жобалардың бірі. Біз өзіміздің экологиялық және әлеуметтік бастамаларымыз туралы үшінші жыл қатарынан ESG-есеп беттерінде айтып жатырмыз. Жақын арада біз қазақстандық реттеушінің қаржылық емес есептілікті ұсыну туралы талаптарына сәйкес болуға дайындалып жатырмыз. Біз өз елінің бүгіні мен болашағы туралы ойлайтын қазақстандықтардың көпшілігі үшін ESG маңыздылығын түсінеміз. Күн тәртібінде инклюзия, гендерлік теңдік, қоршаған ортаға қамқорлық және қауымдастықтарға көмектесу сияқты тақырыптар бар».           

Есепті сілтеме бойынша оқуға болады (ағылшын тілінде)