«Банк Хоум Кредит» жас IT және digital-мамандары үшін HCU IT Hub авторлық оқыту және тағылымдамадан өту бағдарламасының екінші толқынын бастады. Бұл өз дағдыларыңызды шыңдауға, сондай-ақ халықаралық банктің күрделі, әрі қызықты міндеттерін шешуге ат салысуға тамаша мүмкіндік.
Негізгі өнімдерді іске қосу процесін басқарушы, сондай-ақ 1 000 000-нан астам белсенді пайдаланушылары бар және Қазақстанның Forbes 2020 рейтингінде ТОР-3 қосымшалар қатарына кіретін банктік қосымшаны (Home Credit Bank) әзірлеуші жетекші қызметкерлерден тәлім алады.
Курстың әрбір студенті Home Credit University сертификатын алады, ал емтихан қорытындысы бойынша үздіктер тағылымдамадан өтуші және штаттағы қызметкер ретінде Банк Хоум Кредиттің үлкен отбасына қосылады.
Мамандар қызығушылықтары мен негізгі дағдыларына байланысты оқу бағытын өз бетінше таңдай алады:
Regress Testing and Automation
SAS CRM-campaigns
Business Analytics
Product management
Жарқын Бекжанов, Банк Хоум Кредиттің Қызметкерлермен жұмыс жөніндегі директоры:
«HCU IT Hub жобасының алғашқы толқыны өте жақсы нәтиже көрсетті. Студенттерден 2000-нан астам өтінім келіп түсті, олардың 200-і білім алып, 30 үздік түлек Банктің түрлі бөлімдерінде тағылымдамадан өткен, олардың 12-сі қазір Банктің ресми қызметкерлері болып табылады.
Жаңа толқын студенттері ерекше білім алып, үздік тәлімгерлерден үйренеді. Биылғы жылы қол жетімді оқу бағыттары біздің Банк үшін басым бағыт болғандықтан, курсты сәтті аяқтаған студенттер тағылымдамадан өтіп, бірден біздің командаға қосылады».
Өтінімді IT, қаржы, математика, маркетинг мамандықтары бойынша 4 курс студенттері немесе түлектер бере алады. Сонымен қатар SQL және Pre-intermediate деңгейіндегі ағылшын тілін білу маңызды.
Жоба туралы толық ақпарат және тіркелу нысаны сайтында қолжетімді.