Алматы, 2025 жылғы 27 маусым
«Home Credit Bank» АҚ Қазақстандағы «Home Credit Bank» АҚ-ның 100% акциясын «ForteBank» АҚ-ның акционерлеріне сату жөнінде принциптік келісімге қол жеткізілгенін хабарлайды.
Мәміленің аяқталуы Қазақстан Республикасының мемлекеттік реттеуші органдарынан – Бәсекелестікті қорғау және дамыту агенттігі (БҚДА), сондай-ақ Қаржы нарығын реттеу және дамыту агенттігі (ҚНРДА) тарапынан келісім алу нәтижесінде жүзеге асады деп күтілуде.
«Бүгін Home Credit Bank Kazakhstan дамуының жаңа тарауы басталды. Банк Қазақстанда 20 жыл бойы табысты жұмыс істеп, миллиондаған қазақстандықтарға күнделікті қаржылық қажеттіліктерін шешуге және үлкен мақсаттарына жетуге көмектесетін орнықты қаржы институтын құрды. Бұл оқиға клиенттеріміз үшін маңызды деп есептеймін - ол жаңа әрі сапалы қызметтердің пайда болуына және банктің әрі қарай өсуіне серпін береді.
Бұл мәміле банк пен оның клиенттері мен серіктестері арасындағы қазіргі жұмысқа еш әсер етпейді - «Home Credit Bank» АҚ өз клиенттерін бұрынғы шарттар бойынша әдеттегі тәртіпте әрі қарай да қызмет көрсетуді жалғастырады. Барлық қолданыстағы шарттар өз күшінде қалады, ал банк өз міндеттемелерін толық көлемде орындай береді», – деп атап өтті «Home Credit Bank» АҚ Басқарма Төрағасы Кирил Бачваров.