2025 жылдың 30 қыркүйегінде Ұлттық Банк Қазақстанның жетекші банктерімен бірге «Қазақстан Республикасы Ұлттық Банкінің Ұлттық төлем корпорациясы» АҚ-ның қоры негізінде банкаралық QR-төлемдер бойынша пилоттық жобаны іске қосты.
«Home Credit Bank» АҚ бірінші қатысушылар қатарына кіріп, осы қызметті тестілей бастады. Төлемді жасау үшін клиенттерге Home.kz мобильді қосымшасын ашып, сатушының терминалындағы QR кодты сканерлеу қажет. Қазір бұл қызмет тек шектеулі клиенттер мен серіктестер тобына ғана қолжетімді.
Банкаралық QR-төлемдер қызметін қосу Ұлттық төлем жүйесін дамытуда маңызды қадам болып табылады және цифрлық қаржылық қызметтердің қолжетімділігін арттыруға мүмкіндік береді. Жақын арада бұл қызмет Home Credit Bank-тің барлық клиенттеріне қолжетімді болады. Жаңалықтарды жіберіп алмаңыздар!
Жобаға қатысатын банктер тізімімен Ұлттық банктің сайтында танысуға болады