2025 жылғы 23 шілдеде халықаралық Fitch Ratings агенттігі «ForteBank» АҚ-ның «Home Credit Bank» АҚ (HCBK) акцияларының 100%-ын сатып алуы жөніндегі жоспарланған мәмілеге қатысты өз пікірін жариялады. Құжатта бұл мәміле HCBK-ның қолданыстағы рейтингтеріне бірден әсер етпейтіні атап өтілген. Агенттіктің пікірінше, жақын арада банктің кредит профилі айтарлықтай өзгермейді, себебі мәміле аяқталғаннан кейін HCBK өз қызметін дербес заңды тұлға ретінде жалғастыратын болады.
Fitch агенттігі мәлімдеуінше, мәміле аяқталғаннан кейін HCBK үшін акционерлік қолдау рейтингі (Shareholder Support Rating, SSR) белгіленуі мүмкін. Бұл рейтинг ForteBank тарапынан көрсетілуі мүмкін ықтимал қолдау деңгейін көрсететін болады.
Home Credit Bank бұл кезеңде өз қызметінің тұрақтылығы пен ашықтығын қамтамасыз етеді. Клиенттер мен серіктестер алдындағы барлық міндеттемелер толық көлемде сақталады.
Толық ақпаратпен келесі сілтеме бойынша Fitch Ratings ресми сайтында танысуға болады