Home Credit Bank Қазақстан Республикасының Ұлттық Банкі мен «Ұлттық төлем корпорациясы» АҚ әзірлеген Open API платформасындағы мобильді төлемдердің банкаралық жүйесіне қосылды. Оның мақсаты – Қазақстандағы банктік қызметтерді пайдаланушылар үшін жылдамдық, ашықтық, қауіпсіздік және ыңғайлылықты қамтамасыз ету.
Open API клиентке қандай артықшылықтарды ұсынады?
Басқа банктің клиенттеріне ақшаны алушының телефон нөмірі арқылы аударуға мүмкіндік береді. Бұл қызмет мобильді төлемдердің ұлттық банкаралық жүйесіне қатысушы банктерде, яғни Қазақстандағы банктердің басым бөлігінде қолжетімді.
Қызметтің негізгі артықшылықтары:
- Аударымдар карта нөмірін енгізбей-ақ, тек телефон нөмірі арқылы жүзеге асырылады;
- Қаражат бірден түседі;
- Қызмет Home.kz мобильді қосымшасында қолжетімді және клиент тарапынан қосымша әрекеттерді талап етпейді.
Аударымдар бойынша лимиттер:
- 500 000 ₸ — бір аударымның максималды сомасы;
- 1 000 000 ₸ — тәуліктік лимит;
- 4 000 000 ₸ — айлық лимит.
Home.kz мобильді қосымшасының интерфейсі өзгеріссіз қалады. «Телефон нөмірі бойынша аудару» функциясын таңдаған кезде, пайдаланушыға қатысушы банктердің кеңейтілген тізімі қолжетімді болады.