Алматы, Қазақстан, 2025 жылғы 22 қаңтар.
Home Credit Bank Қазақстан Республикасының бейрезиденттері үшін 2025 жылғы 28 ақпанға дейін төлем карталарын шығаруды уақытша тоқтататынын хабарлайды. Бұл шешім 2025 жылғы 19 қаңтардан бастап қылмыстық кірістерді заңдастыруға және терроризмді қаржыландыруға қарсы бағытталған жаңа талаптардың күшіне енуіне байланысты қабылданды. Талаптарды Қазақстан Республикасының Қаржы нарығын реттеу және дамыту агенттігі бекітті. Жаңа талаптарға сәйкес Қазақстан бейрезиденттері үшін шығарылған банк карталарының қолданылу мерзімі 12 айды құрайды.
2025 жылғы 1 наурыздан бастап бейрезиденттер төлем карталарын қайта ресімдей алады, алайда олардың қолданылу мерзімі бір жылды құрайтын болады. 2025 жылдың 19 қаңтарына дейін берілген барлық карталар бастапқы белгіленген мерзім аяқталғанға дейін жарамды болады.
Home Credit Bank клиенттерге жоғары деңгейде қауіпсіз және ыңғайлы қызмет көрсету үшін ішкі жүйелерін жаңартуда. Біз барынша ашық болуға және реттеушілердің талаптарын толық орындап, ықтимал тәуекелдерді азайтуға ұмтыламыз.
Біз клиенттерімізге түсіністік үшін алғысымызды білдіреміз және уақытша қолайсыздықтар үшін кешірім сұраймыз