Онлайн-сатып алулар және жылдам аударымдар біздің күнделікті өміріміздің ажырамас бөлігіне айналып, оны одан да ыңғайлы етті. Енді тамаққа тапсырыс беру, киноға билеттер сатып алу немесе коммуналдық қызметтер үшін төлем жасау үшін үйден шығудың қажеті жоқ. Бірақ ыңғайлылықпен бірге тәуекелдер қатар жүреді. Бірақ қарапайым ережелерді сақтау және заманауи банктік технологияларды пайдалану арқылы интернеттегі кез келген операциялар толығымен қауіпсіз болады.
Алаяқтардан қорғану үшін олардың қолданатын әдістерін білу маңызды. Көбінесе олар адамдардың мұқият болмауына және сенімділіктеріне бағытталған екі әдісті қолданады.
Ең кең таралған алаяқтық әдіс - фишинг. Алаяқтар танымал интернет-дүкендерге, жеткізу қызметтеріне немесе төлем парақшаларына ұқсас сайттарды жасап, картаңыздың деректерін ұрлау мақсатында бұл жалған ресурстарға сілтемелер бар электрондық хаттар мен хабарламаларды жібереді.
Бұл жағдайда алаяқтар тікелей әрекет етеді. Олар сізге банк қызметкері ретінде қоңырау шала алады немесе мессенджерлерге жазады. Олардың басты мақсаты - сенімге кіріп, түрлі сылтаулармен (күдікті операцияны болдырмау, аударымды растау және т.б.) сізден CVV-кодты немесе SMS арқылы келген құпия сөз сияқты құпия ақпаратты біліп алу.
Енді тәжірибеге көшейік. Онлайн-төлемдерді қорғаудың ең сенімді тәсілі - сіздің сақтығыңыз бен дұрыс әдеттер. Осы қарапайым ережелер қаржыңызды қауіпсіз сақтауға көмектеседі.
Карта деректерін енгізбес бұрын әрқашан браузердегі мекенжай жолағына назар аударыңыз. Сайттың мекенжайында қате жоқ екеніне, жолақтың басында құлып белгісі және «https» аббревиатурасының бар екендігіне көз жеткізіңіз. Бұл қауіпсіз интернет-төлемдердің бірінші шарты.
Есіңізде сақтаңыз: келесі ақпарат тек сізге ғана белгілі болуы тиіс. CVV/CVC-код (картаның артқы жағындағы үш сан), оның жарамдылық мерзімі және SMS арқылы келетін бір реттік құпия сөздер. Банк қызметкері бұл деректерді ешқашан сұрамайды. Әрқашан мұқият әрі сақ болыңыз - бұл ең басты шарт.
Сіздің сақтығыңыз маңызды, бірақ заманауи банк технологиялары да сіздің қаржыңызды қорғауда маңызды рөл атқарады. Home.kz банкі онлайн-төлемдерді әлдеқайда сенімді ететін бірнеше қорғаныс деңгейін ұсынады.
Интернетте сатып алу жасағанда банк сізден қосымша растау сұрайды - бұл SMS немесе PUSH-хабарлама арқылы жіберілетін бір реттік код. Бұл технология 3D Secure деп аталады және алаяқтардан қосымша қорғау болып табылады. Қазіргі таңда карта арқылы интернет-төлемдердің қауіпсіздігі осы қадамнан басталады.
Home.kz мобильді қосымшасы - бұл сіздің жеке қаржылық орталығыңыз. Барлық операциялар туралы PUSH-хабарламалар сізге бірден келеді, сондықтан күдікті әрекеттерге дереу әрекет етуге болады. Сонымен қатар интернет-сатып алуларға лимит орнатуға немесе картаңызды бір кликпен бұғаттауға болады. Сондықтан картаңыз толық бақылауда болған кезде онымен интернетте төлем жасау қауіпсіз болады.
Қаншалықты сақ болсаңыз да, тіпті ең сақ пайдаланушы да күтпеген жағдайға тап болуы мүмкін. Егер картаңыздың деректері алаяқтардың қолдарына түсті деп ойласаңыз, бірден әрекет етіңіз.
- Картаны бірден бұғаттаңыз Home Credit Bank мобильді қосымшасы арқылы бұны өте тез жасауға болады. Ол үшін бірнеше секунд қана қажет. Сонымен қатар банктің байланыс орталығына қоңырау шалуға болады.
- Банкке хабарласыңыз. Картаны бұғаттағаннан кейін банк қызметкерлеріне жүгініңіз де, оларға бұл оқиға туралы толық айтып беріп, олардың нұсқаулықтарын орындаңыз.
- Дәлелдерді сақтаңыз. Егер сізде алаяқтармен хат алмасу немесе фишингтік сайтқа сілтеме қалса, скриншот жасаңыз. Ол сізге кейін қажет болуы мүмкін.
Цифрлық қаржы әлемінде банктің заманауи технологияларының көмегімен сақ болуыңыз қажет. Home Credit Bank-тің ыңғайлы және қауіпсіз қызметтерін пайдаланып, интернетте сатып алуларды сенімді түрде жасаңыз. Ал қаржы мен қауіпсіздік туралы пайданы кеңестерден хабардар болу үшін Home Credit Bank-тің блогын оқыңыз.
