«Жасыл аллея» жобасы мегаполис экологиясын жақсартуға және тұрақты даму қағидаларын ілгерілетуге бағытталған.
HCB Business серіктестермен бірлесе отырып, Алматыдағы Әліби Жангелдин атындағы саябаққа 100 ағаш егіп, экологиялық науқан өткізді. Бұл «HCB Business–тің жасыл аллеясы. Өз ағашыңды ек» деп аталатын жобаның бастамасы. Мақсаты — қаладағы экологиялық жағдайды жақсарту және тұрақты даму қағидаларын жүзеге асыру.
2 миллионнан астам тұрғыны бар Қазақстанның ең ірі мегаполистерінің бірі ретінде Алматыда түрлі өзекті экологиялық проблема бар. Халықаралық стандарттарға сай, салауатты қалалық орта жасау үшін бір адамға шаққанда тоғыз ағаш өсуі керек, алайда қазіргі таңда Алматыда бір адамға 2–ақ ағаштан келеді. HCB Business–тің бұл бастамасы осы олқылықтың орнын толтыруға бағытталған. Home Credit Bank қаланы көгалдандыруды және тұруға қолайлы жағдай жасауды мақсат етіп отыр.
HCB Business басқарушы директоры, Арина Лепихова: «Мен Алматыда туып-өстім, бұл қала менің туған жерім. Оның дамуына ықпал ететін бастамаларды үлкен құлшыныспен қолдаймын. Ағаштар — бұл қаланың өкпесі іспетті. Олар ауаны тазартып, жылына 20 кг көмірқышқыл газын жұтып алады, осылайша мегаполистегі ауаның орташа сапасын жақсартады. Одан бөлек жасыл-желек қаладағы орташа ауа температурасын төмендетіп, «қалалық жылу аралы» эффектісін 1–2°C–қа түсіруге қауқарлы. Сондықтан сүйікті Алматымыздың экологиясына қамқорлық жасау ниетімен «Жасыл аллея» жобасын бастадық. Басқа да кәсіпкерлер бізден үлгі алады деп сенеміз. Біздің бастама енді ғана іске асып жатыр, Қазақстанның басқа қалаларында да ағаш егуді қолға алуды жоспарлап отырмыз. Бұл банктің және серіктестеріміздің елдегі экологиялық ахуалды жақсартуға және қоршаған ортаны қорғауға қосқан үлесі».
HCB Business серіктестерін осы бастамаға қосылуға шақырады. Әр ағашқа өңделген пластиктен жасалған, серіктестер логотипі жазылған маңдайша ілінеді. Бұл олардың Алматыны көгалдандыруға қосқан үлесін көрсететін болады.
Қазақстанның қаржы нарығында маңызды ойыншы бола тұра ШОБ–қа арналған HCB Business онлайн–банкі әлеуметтік және экологиялық жобаларды белсенді түрде қолдайды. Банк шағын және орта бизнеске арналған қызметтердің кең спектрін ұсынады және өз жұмысына ESG халықаралық стандарттарын енгізеді. Осылайша қаржы ұйымы тұрақты экономиканың дамуы мен кәсіпкерлікті қолдауға айтарлықтай үлес қосады.
*№ 1.2.36/40 лицензия, 17.08.2022 ж. Қазақстан Республикасының қаржы нарығын реттеу және дамыту агенттігі берген.