Астанада жасыл экономика мен қалдықтарды қайта өңдеу мәселелеріне арналған «Green Energy & Waste Recycling Forum 2024» бизнес форумы өтті. Форум қатысушылары тұрақты даму аясында біздің қоғам алдында тұрған жауапкершілікті де, мүмкіндіктерді де талқылады деп хабарлайды Zakon.kz.
Home Credit Bank іс–шараның ресми серіктесі болды. Бұл дәстүрлі форумда мемлекеттік органдардың, үкіметтік емес сектордың, жақын және алыс шетелдердің бизнес өкілдері қатарынан екі жүзден астам сарапшы жиналды.
Экология және табиғи ресурстар вице–министрі Жомарт Алиев жасыл экономикаға көшу бұл тренд емес, бұл заманауи экологиялық және әлеуметтік мәселелерді шешу құралы екенін атап өтті.
«Қазақстан өзінің бай табиғи ресурстарының арқасында тұрақты даму саласында көшбасшы бола алады. Біздің мақсатымыз — экономикалық мүдделер мен қоршаған ортаның қорғалуын қамтамасыз ету. Негізгі мәселелердің бірі — бұл қалдықтарды қайта өңдеу мәселесі. Қазіргі уақытта қалдықтардың көп бөлігі қайта өңделмей, қоршаған ортаның ластануына әкеледі. Дегенмен, бұл ретте жаңа жұмыс орындарын құруға және жасыл технологиялардың дамуына негіз болатын қайта өңдеу инфрақұрылымын дамыту мүмкіндіктерін пайдалану қажет», – деп қосты ол.
Форум қатысушыларының айтуынша, қаржылық мәселелер де маңызды болып табылады. Сондықтан форум аясында қалдықтарды қайта өңдеу жүйесін құру үшін қажетті қаржылық механизмдер тақырыбына жеке сессия арналды. Оның қатысушылары жасыл қаржыландыру маңыздылығы туралы айтты.
Орталық Азия үшін БҰҰ Қоршаған орта жөніндегі бағдарламасының (ЮНЕП) Субөңірлік кеңсе жобасының өңірлік менеджері Бауыржан Насимуллин сессия модераторы болды.
«Екі термин бар. ЭЫДҰ анықтамасы бойынша тұрақты қаржыландыру термині қоршаған ортаны, қоғам мүдделерін қорғау және оларды тиімді басқару, яғни ESG, компаниялар мен қаржы институттарының инвестициялық шешімдер қабылдауды қамтиды. Екінші термин — «жасыл қаржыландыру». Дүниежүзілік экономикалық форумның мәліметі бойынша, бұл термин экологиялық әсерді күшейту үшін жасалған кез келген құрылымдық қаржылық әрекет, өнім немесе қызметті білдіреді. Оған кредиттер, қарыз механизмдері және инвестициялар жатады», – деді ол.
Өз кезегінде «Home Credit Bank» АҚ ESG-маманы Карлыгаш Куандыккызы Банктің ESG саласындағы жүзеге асыратын бастамалары және Банктің ESG–саясатының жасыл қаржыландыру мақсаттарымен сәйкестігі туралы айтып берді.
Ең алдымен, ол Home Credit Bank — Қазақстандағы жалғыз Еуропалық банк екенін атап өтті. Яғни Банк орнықты даму мақсаттарына үлкен жауапкершілікпен қарайтынына көз жеткізуге болады.
«Біз халықаралық қаржы холдингінің тобына кіреміз. Сондықтан біз бір–бірімізбен тұрақты даму бойынша озық тәжірибелермен үнемі алмасып отырамыз. Соның арқасында біз ESG енгізу саласында бірегей тәсілді пайдаланамыз», – деп атап өтті спикер.
Оның айтуынша, банк өзінің ESG–трансформация векторында қазақстандық және еуропалық реттеушілік талаптарды орындайды. Өйткені біз үшін біздің болашағымыз, климат мәселелері өте маңызды болып табылады.
«Жаһандық жылыну мәселелерін шешуге үлес қосу аясында біздің бас компаниямыз көміртек ізін үнемі өлшеп отырады. Мысалы, карбон ізін талдай отырып, біз қызметкерге шақ келетін көмірқышқыл газының жылдық шығарылымы бір машинаның шығарылымына тең екенін анықтадық. Сондай-ақ біз корпоративтік мәдениетке экологияландыруды енгізу саласында белсенді әрекет етуді бастадық. Мысалы, Индонезиядағы Home Credit филиалындағы әріптестеріміз кеңсе қалдықтарын жинай бастады. Нәтижесінде 2022 жылы шамамен 20 тонна қалдық жиналды. Сондай-ақ олар айналмалы экономика өндірісін кредиттеуді бастады. HomeCredit компаниясының тобы аясында біз қоршаған ортаны қорғау саласындағы көптеген жобаларды іске асырдық», – деп атап өтті Карлыгаш Куандыккызы.
2023–2024 жылдары компания корпоративтік мәдениет аясында әлеуметтік жобаларды іске асырды. Атап айтқанда, қалдықтарды бөлек жинау бойынша көптеген жобалар орын алды.
«Біз көптеген қайырымдылық жобаларын өткіздік. Сонымен қатар өз қызметкерлерімізге экологияның не екенін және оның маңыздылығын жеткізу үшін ішкі маркетплейсте түрлі тапсырмаларды әзірледік. Ол тапсырмалардың орындалуы үшін қызметкерлерге балдар есептеледі. Біз қоғамның дамуына өз үлесімізді қосып, жасыл экономика саласында белсенді дамуға үміттенеміз. Жүргізіліп жатқан жұмыс қызметкерлерімізге банктің маңыздылығын жақсы түсінуге және ұстанымдарын нығайтуға көмектеседі деген сенімдеміз», – деп түсіндірді.
Қорытындылай келе, сессия модераторы компаниялардың тұрақтылық пен қоршаған орта туралы ойлауы өте маңызды екенін атап өтті.
Қазақстанда 2024 жылдың 1 шілдесінен бастап қоқысты жинау мен шығарудың жаңа стандарты енгізілді.