Нәтижесінде елордадағы бөлімшелер мен шағын кеңселердің саны 14–ке дейін өсті. Онда қала тұрғындары мен кәсіпкерлеріне Қазақстандағы жалғыз еуропалық банктің қаржылық қызметтері қолжетімді. Жаңа бөлімшелер көлік тұрақтары бар ыңғайлы жерлерде орналасқан.
Астанадағы жаңа бөлімшенің ашылуы Home Credit Bank қызметкері Ернар Сулейменовтың ұлы бір жасар Имранның тұсау кесерімен бірге өтті. Осылайша банк ұжымы өз клиенттерімен бірге жаңа бөлімшенің ашылу салтанатын ерекше атап өтті. Тұсау кесу рәсімін өткізу банк клиенттері мен Басқарма Төрағасы Кирил Бачваровқа тапсырылды.
«Астанамыз қарқынды түрде дамып келе жатыр, қала тұрғындарының саны үнемі өсуде. Қазір елордамызда 1,5 миллион адам тұрады. Сондықтан қаржылық операцияларды жүргізу қажеттілігі де өсіп келе жатыр. Ай сайын елордалық клиенттеріміздің саны 3,5 мың адамға артып келеді. Біздің қызметтер мен өнімдеріміз үлкен сұранысқа ие: II тоқсанда Астанада ашылған депозиттер саны 40%–ға өсті. Астананың 43 мың тұрғыны біздің кредит және дебет карталарын қолданып жатыр. Бұл сұранысқа сәйкес болу үшін және қызмет көрсетудің жоғары сапасын сақтау үшін біз екі қосымша бөлімшені ашуға шешім қабылдадық. Күнделікті операцияларды жүргізу үшін клиенттер цифрлық арналарды пайдаланса да, бөлімшелер банк пен клиент арасында жақсы қарым-қатынас орнатуда маңызды рөл атқарып отыр. Біз қала тұрғындары мен кәсіпкерлерін Home Credit Bank–тің қызмет көрсету нүктелеріне шақырамыз. Мұнда менеджерлеріміз барлық сұрақтарға жауап беріп, цифрлық қызметтер туралы кеңес береді», - деп атап өтті Home Credit Bank басқарма төрағасы Кирил Бачваров.
Қазір Home Credit Bank-те тиімді кредиттер, жоғары кешбэк бар дебет карталары, тегін төлемдер мен басқа банк карталарына тегін аударымдар, ақша жинау мен инвестициялаудың әртүрлі нұсқалары қолжетімді. Банкте 18%-ға дейінгі жылдық тиімді мөлшерлемесі бар депозиттерді, 17,9%-ға дейінгі депозиттік сертификаттарды және 7%-ға дейінгі банктің долларлық облигацияларын ресімдеуге болады. Филиалда бірегей OZEN бөліп төлеу картасын ресімдеуге болады. Оның көмегімен бүкіл әлем бойынша және интернет арқылы тауарлар мен қызметтерді серіктестік желіге қосылмай бөліп төлеуге (0-0-6) сатып алуға болады. Бұл карта әлемдегі кез келген банкоматтан қолма-қол ақша алуға және мобильді қосымша арқылы ақша аударуға мүмкіндік береді.
Бұл қызметтер тек банк бөлімшелерінде ғана емес, Home.kz қосымшасын жүктеп, смартфон арқылы да қолжетімді. Сондай-ақ ШОБ үшін банкте HCB Business жеке қосымшасы бар, оның көмегімен барлық бизнес операцияларды онлайн жүргізуге болады. Бұл қызмет жақында ғана қосылса да, қазірдің өзінде Астанада 1500 белсенді серіктесіміз бар. Кәсіпкерлерге ыңғайлы болу үшін Астана қ., Мәңгілік ел даңғылы, 42 мекенжайында орналасқан жаңа бөлімше офлайн қызмет көрсететін болады. Бөлімшеде кәсіпкерлерге бизнесті дамыту үшін кешенді қызметтер қолжетімді.
«Біз қала тұрғындары мен кәсіпкерлерге күнделікті операцияларды жүргізуге арналған қызметтерді, карточкалық, кредит және депозит өнімдерін ұсынамыз. Қазір елордамыздың 27 мың тұрғыны біздің банкімізде 34 млрд теңге сомасына ақша сақтайды. Ал Астананың 43 мың клиенті біздің төлем карталарымызды қолданып жүр. Бірақ банк Астанада одан әрі дамып өседі деп ойлаймыз. Тұрғындарға біздің үздік шешімдеріміз бен жаңа бөлімшелеріміз ұнайды деп үміттенеміз», — деп айтты Астана қаласы филиалының директоры Анара Абдрахманова.
Home Credit Bank-тің жаңа бөлімшелерінде тәулік бойы жұмыс істейтін терминалдар және банкоматтар бар. Мекенжайлары:
- Мәңгілік ел даңғылы, 42. Филиал ерекше қажеттіліктері бар клиенттерге қызмет көрсету үшін арнайы құралдармен жабдықталған.
- Сейфуллин көшесі, 33.
Банк Қазақстан бойынша жаңа филиалдар ашуды жалғастыруда: 2024 жылдың басынан банк Қызылорда, Ақтөбе, Түркістан мен Таразда филиалдар мен жаңа бөлімшелерді ашты. Қазақстанда банктің 200 филиалы мен шағын кеңсесі бар.
Home Credit Bank Қазақстандағы активтер бойынша 13–ші орында. Банктің активтері 870 млрд теңгеден асады. Капиталы 170 млрд теңгеге, ал несиелік портфелі 690 млрд теңгеге жетті. Қазақстандықтар мен отандық компаниялар банктің депозиттерінде 400 млрд теңгеден астам сома мөлшерінде ақша сақтап жатыр. Банк Халықаралық PPF Holding тобына кіреді.