"Home Credit Bank Қазақстанда 18 жыл бойы тұрақты әрі табысты банк құрды. Бүгінгі таңда біз 1,5 миллионнан астам клиентке қызмет көрсеткен тұтынушылық несиелеу бойынша көшбасшылардың бірі болып табыламыз. Осы тәжірибенің көмегімен бөлшек сауда сегменті республикадағы барлық заңды тұлғалардың 50%-дан астамын құрайтындықтан шағын және орта бизнес секторына да сату көлемін арттыруға көмектесе аламыз. ШОБ үшін толық цифрлық банк құру Home Credit Bank дамуының жаңа кезеңі болады және бизнесімізді әртараптандыруға мүмкіндік береді. Бүгінгі таңда банктер классикалық және цифрлық шешімдерді ұсына отырып, ШОБ клиенттері үшін белсенді бәсекелестікке түсуде. Дегенмен нарықтағы ұсыныс жеткіліксіз деп санаймыз", - деді "Home Credit Bank" АҚ басқарма төрағасы Кирил Бачваров.
Цифрлық банк ұлттық және шетел валютасындағы аударымдар, салықтар мен бюджетке төленетін төлемдердің барлық түрлері, валютаны айырбастау, несиелеу және бөліп төлеу бағдарламалары, шоттары мен өнімдеріне қол жеткізу және басқару сияқты кәсіпкерлердің күнделікті жұмыстарына қажетті өнімдерді ұсынады. Кірістірілген чат арқылы банкпен тәулік бойы байланыс та орнатылған. Сондай-ақ бұл операциялардың барлығын кәсіпкерлер филиалдарға бармай-ақ мобильді қосымша арқылы жүзеге асыратын болады. Қосымша UI / UX дизайнында кәсіпкерлерге таныс үлгіні сақтай отырып, оларға барлық операцияларды тез әрі оңай аяқтауға мүмкіндік беретіндей жасалмақ. Процестер мен өнімдердегі барлық өзгерістер тек кәсіпкерлердің қажеттіліктеріне қарай негізделетін болады. Шағын және орта бизнес үшін цифрлық банкті 2023 жылдың үшінші тоқсанында іске қосу жоспарланған.
"Кәсіпкердің қажеттіліктерін бағалай отырып, біз оған қолайлы және дұрыс шешімдерді ұсына аламыз. Біздің ШОБ-қа арналған мобильді қосымшамыз жеке тұлғаларға арналған ең жақсы қосымшалар сияқты қарапайым болады. Түсінікті интерфейс және экрандарды өз қажеттілігіңізге "теңшеу" мүмкіндігі өнімнің айрықша ерекшелігінің бірі. Ыңғайлылық пен функционалдылықты бірыңғай қосымшаға біріктіру арқылы цифрлық банк кәсіпкерге барлық операцияларын оңай жүргізуге мүмкіндік береді. Айта кету керек, Альфа Банкте қысқа мерзім ішінде біздің команда ШОБ үшін ыңғайлы цифрлық банк құрып, нарық көшбасшысы болды. Бұл ретте оның трендсеттері бола отырып, бірінші мобильді қосымша, цифрлық онбординг, бөлімшелерге бармай-ақ онлайн-шот ашу және бизнеске арналған қаржылық емес қызметтер сияқты сервистерді іске қосты. Home Credit Bank-те біз өз сараптамамызды пайдаланып, нарықты инновациялық өнімдермен таң қалдыруды жоспарлап отырмыз", - деп түсіндірді "Home Credit Bank" АҚ ШОБ блогының жетекшісі Дамир Какиев.
Келесі үш жылда ол бизнеске арналған HOME Credit Bank цифрлық Банкі үшін жоғары мақсат қойған: осы сегментте Қазақстандағы көшбасшылар үштігіне кіру.
Алдағы екі жылда цифрлық банкті дамытуға инвестициялар шамамен 20 млн доллар болады деп күтілуде. Жаңа жобаның арқасында 400-ден астам жаңа жұмыс орны ашылады. Еуропалық меншік иелері болып отырған Home CREDIT BANK акционерлері барынша қарқынды дамып келе жатқан Қазақстандағы ШОБ сегментін дамытудың үлкен перспективаларын байқады. 80% - дан асатын қолма-қол ақшасыз айналымның өсуі, сондай-ақ, Қазақстанда GovTech-тің дамуы аясында банктер өз жобаларын әртүрлі мемлекеттік базалармен біріктіре алады және операциялардың көп бөлігін клиенттерге онлайн режимінде ұсына алады.
"Қазақстанда цифрлық қызметтер үшін қолайлы жағдайлар жасалған: соңғы бірнеше жылда республика осы бағытта белсенді жұмыс атқарып келеді және цифрландыру бойынша елдер рейтингінде топ-30ға кіреді", - деп толықтырды Дамир Кәкиев.
Digital Bank құру қосымша филиалдар ашпай-ақ клиенттік базаны арттыруға мүмкіндік береді. Бұл ретте кәсіпкерлердің өздері қаржы институттарынан цифрлық шешімдерді күтуде. Жобаны іске қосу қарсаңында жүргізілген зерттеу нәтижесінде кәсіпкерлер тарапынан сапалы Digital сервистерге сұраныс айтарлықтай артқанын көрсетті.
Бизнестің жаңа түрін іске асыру үшін Home Credit Bank Kazakhstan-ға белгілі банкир және қаржыгер Дамир Какиев шақырылды. Оның басшылығымен команда Альфа Банкте ШОБ жобасын сәтті жүзеге асырды. 5 жылдан аз уақыт ішінде бұл банк классикалық Корпоративтік қаржы институтынан шағын және орта бизнес пен жеке клиенттерге арналған цифрлық банкке айналды. The banker, AsiaMoney, World Business Outlook Awards халықаралық басылымдары Альфа Банкті бірнеше рет ҚР-дағы ШОБ үшін Үздік банк деп таныды. Ал оның бизнеске арналған қосымшасы MARKSWEBB және SME Banking нұсқалары бойынша екінші деңгейдегі банктер арасында №1 деп танылды. Сондай-ақ, банк ШОБ сегментіндегі белсенді клиенттік база бойынша топ-3 кірді.
Дамир Какиев - 15 жылдық тәжірибесі бар банкир, ҚР еңбек сіңірген қаржыгері. Сбербанк пен Альфа Банкте басшылық позицияларда жұмыс істеген. Өзбекстан және Тәжікстан банктеріндегі Директорлар кеңесінің мүшесі. "Атамекен" кәсіпкерлер палатасында ШОБ дамыту комитетінің мүшесі. Кәсіпкер, IT және консалтинг саласындағы компаниялардың негізін қалаушы.