Кредиттің мерзімі өткен жағдайда клиент 30 күнтізбелік күн ішінде (мерзімі өткен күннен бастап) Банкке жазбаша өтінішпен жүгінуі тиіс.Өтініште мерзімін өткізіп алу бойынша себептерін және қаржы жағдайының нашарлағанын растайтын құжаттарын (қажетті құжаттар тізімін) көрсетеді немесе мобильді қосымша арқылы да өтініш жазуда кредиттің келісімшарт нөмірін қоса көрсетуі шарт.
Клиент мәліметтері мен құжаттарын толық ұсынбаған болса, Банк оларды қосымша сұратады. Клиент сұратылған құжаттарды 5 (бес) жұмыс күні ішінде ұсынуы тиіс. Егер клиент осы уақыт аралығында ұсынбаса, Банк өтінішті қараудан бас тартуға құқылы.
Банк өтінішті тіркеген күннен кейін 15 күнтізбелік күн ішінде қарастырып, клиентке келесі ақпаратты хабарлайды:
- шарт талаптарында ұсынылған өзгерістермен келісу туралы;
- кредиттік шарттың талаптарын өзгерту жөніндегі өз ұсыныстары туралы;
- бас тартудың негіздемесі мен себебін көрсете отырып, кредит шартының талаптарын өзгертуден бас тарту туралы.
Мерзімі өткен берешек және шарт талаптарының өзгеруі бойынша сұрақтар туындаған жағдайда:
- 7979 қысқа нөмірі бойынша қоңырау шала аласыз (қоңырау шалу тегін);
- өтінішті электронды почта арқылы жіберуге болады: client@homecredit.kz
- Банк бөлімшесінде
- мобильді қосымшаның және/немесе Банк сайтының чатына хабарласуға болады.
Қағидалардың дұрыс орындалуына жауапты тұлғалар:
- Оңғар Ардақ, Банкроттықты қолдау және проблемалық берешектерді реттеу бөлімінің басшысы, Аналитика және кеш өндіріп алу басқармасы. эл.адресі: Ardak.Ongar@homecredit.kz
- Кулиш Светлана, Әлеуметтік желілердегі қызмет көрсету сапасы және коммуникациялар бөлімінің басшысы, Операциондық басқармасы. эл.адресі: Svetlana.Kulish@homecredit.kz.
Төлемдер уақытында жасалмайтын болса, Банк кредит шартында көзделген келесі шараларды қолдануға мәжбүр болады:
Кредит бойынша төлемді уақтылы жүргізбеу туралы ақпарат кредиттік бюроға тапсырылады. Ол клиенттің кредиттік тарихына және мемлекеттегі банктерден одан әрі қаржылық көмек алу үшін кедергі болуы мүмкін.
Кредиттер бойынша берешекті өтеу мерзімдері бұзылған кезде банк мерзімі өткен әрбір күн үшін мерзімі өткен төлем сомасының 0,5% мөлшерінде тұрақсыздық айыбын есептеуге құқылы.
Банк клиенттің Қазақстанның кез келген банктегі ағымдағы шоттарынан акцептісіз түрде есептен шығару туралы төлем талабын қоюға құқылы;
Банк қарызды сот тәртібімен өндіріп алуға және/немесе атқарушылық жазба жасау үшін нотариусқа жүгінуге құқылы. Атқарушылық құжаттар кейін атқарушылық іс жүргізу шеңберінде мәжбүрлеп өндіріп алу үшін жеке сот орындаушыларына (бұдан әрі - ЖСО) тапсырылады.
Атқарушылық іс қозғалған жағдайда Клиент келесі шектеулерге тап болады:
- мүлікке қатысты нотариалды және тіркеу әрекеттерін жасауға тыйым салынады;
- елден тыс жерлерге шығуға шектеу қойылады;
- автокөлікті жүргізуге шектеу қойылады;
- жылжымалы және жылжымайтын мүлікке тыйым салынады;
- ҚР барлық банктерінде клиенттің ағымдағы шоттарына тыйым салынады;
- қарызды өтеу есебіне жалақыдан 50% ұсталынады.
Кредит бойынша қарыздан басқа, Клиент келесі қосымша шығындарды төлеуге мәжбүр болады:
- мемлекеттік баж, нотариалды және пошта шығыстары;
- ЖСО атқарушылық санкциясы;
- атқарушылық іс жүргізу барысында ЖСО-ның өзге де шығындары.