Банк шотына тыйым

Келесі жағдайларда салынуы мүмкін:

• мүліктік өндіріп алуға байланысты әкімшілік немесе қылмыстық іс бойынша сот шешімі шығарылса;
• басқа мемлекеттік органдардың қаулысы болса.

Егер сот орындаушысы құжаттарды ұсынса, банк шотқа тыйым салады. Заң бойынша бұл жағдайда банк орындаушы ретінде әрекет етеді. 

Егер шотқа тыйым салынса, оның иесі оны толығымен пайдалана алмайды: яғни, шотты толықтыру, ақша аудару және төлем жасау мүмкін болмайды. Шотқа түскен барлық ақша қарыз шотына есептеледі.
 

Онлайн кредит

9 500 000 ₸ дейін кредит рәсімдеңіз. Home Credit Bank–пен қалаған сыйлықтарыңызды алып, өзіңізді және жақындарыңызды қуантыңыз

Жылдам ресімдеу

3 минутқа дейін

Толығырақ

Шотқа тыйым салынғанын қалай білуге болады?

Шотқа тыйым салынған кезде банк клиентке тыйым салынған күн, қолжетімсіз әрекеттер, тыйым салыну себебі және тыйым салған мемлекеттік орган туралы хабарлама жібереді. 

Егер хабарлама келмесе, бірақ ақшаны пайдалану әлі де мүмкін болмаса, қарыздарды Әділет министрлігінің сайтынан тексеруге болады. Ол үшін ЖСН қажет болады. 

Сот шешімінің себебі көбінесе банктік немесе салықтық қарыз болып табылады. Салықтар бойынша қарыздарды банк қосымшасынан да көруге болады. Мысалы, біздің Home Credit Bank қосымшасында қарыздар келесідей көрінеді.

Егер шотқа тыйым салынса не істеу керек?

Егер сіз тыйым салыну себебін білмесеңіз, Әділет министрлігінің сайтындағы қарыздар мен шектеулерді тексеріңіз немесе банкке хабарласыңыз.

Шоттан тыйым салуды алып тастау үшін қарызды төлеп, барлық чектер мен үзінді көшірмелерді сақтау қажет. Әдетте тыйым салу үш жұмыс күні ішінде алынады, бірақ процесті тездету қажет болса, сот орындаушысына хабарласуға болады. 

Сот приставторы қандай шоттарға тыйым салмайды?

Сот приставторы заң бойынша «арнайы» деп белгіленген шотқа тыйым салмайды. Мұндай шот бөлек ашылады. Бұл шотты әдеттегі тәсілдермен толықтыруға болмайды. Оған кейбір мемлекеттік жәрдемақылар, балаларға арналған алименттер, тұрғын үй құрылыс жинақтарының төлемдері және білім беру жинақтау салымдары ғана есептеледі. 

 

Мысалы, егер адам жұмыстан шығарылса және кредит төлей алмаса, оның шоттарына тыйым салынуы мүмкін. Сол кезде ол жұмыссыздық бойынша жәрдемақыны ала алмайды. Ал егер ол жәрдемақыны арнайы шотқа алса, онда ол жұмыс тауып, қарыздарын жаба бастағанға дейін осы ақшаны пайдалана алады. 

Арнайы шотты кейбір банктерде ғана ашуға болады. 

Арнайы шотты қалай ашуға болады?

Жеке түрде банкте ашуға болады. Арнайы шотты ашу үшін банк менеджеріне мақсатыңызды айтыңыз. Мысалы, егер сіз шотты алимент алу үшін ашсаңыз, менеджер өзі «арнайы» шотты таңдайды, бірақ алдын ала айтқан дұрыс болады. Кейбір банктерде мұны төлемдерді ресімдеу кезінде 

мобильді қосымша арқылы жасауға болады. Ондай кезде арнайы шот ашу керек екенін көрсету керек. Егер сіз egov.kz порталы арқылы келесі төлемдердің бірін ресімдесеңіз, мұны онлайн жасауға болады:

 

• бала тууға және бала күтіміне арналған жәрдемақы;
• мүгедек баланы тәрбиелеп отырған ата-анаға, асырап алушыға немесе қамқоршыға төленетін жәрдемақы;
• мүгедектік бойынша жәрдемақы;
• асыраушысынан айрылу бойынша жәрдемақы;
• көпбалалы отбасыларға арналған жәрдемақы;
• мемлекеттік базалық зейнетақы төлемі;
• жерлеуге арналған біржолғы төлем. 

Өтініш толтырып, қажетті банкті белгілеп, құжаттарға қол қою қажет. Егер сізде осы банкте арнайы шот ашылған болса, сол шотты таңдауға болады, егер жоқ болса, банк жаңа шотты ашады. 

Арнайы шотты ашу үшін қандай құжаттар қажет?

Әр жағдайда белгілі бір құжаттар тізімі қажет болады. Мысалы, жәрдемақылар мен әлеуметтік төлемдер үшін шот ашқан кезде клиент банкке келесі құжаттарды ұсыну керек:

 

• жеке басын куәландыратын құжат;
• шоттың мақсаты көрсетілетін өтініш.

Алиментті есепке алу үшін шот ашқан кезде құжаттар тізіміне алиментті өндіріп алу туралы сот актісінің немесе алиментті төлеу туралы нотариалды куәландырылған келісімнің көшірмесін қосу қажет. Тұрғын үй төлемдерін тұрғын үй қатынастары туралы заңнамаға сәйкес келетін мақсаттарға есептеу үшін сол төлемдерді алушы туралы анықтама ұсыну қажет.

Қажетті құжаттардың тізімін банктен нақтылау қажет. 

Қол сұғуға болмайтын шотты қалай толықтыруға болады?

Қол сұғуға болмайтын шотты жеке түрде толықтыруға болмайды. Бірақ сол шотқа балаларға арналған алименттер және мемлекеттік төлемдерді алуға болады. 

Қарапайым шотты қол сұғуға болмайтын шотқа айналдыруға болмайды. Егер сіз жәрдемақы немесе алиментті басқа шотқа алып жатсаңыз, бірақ қол сұғуға болмайтын шотқа алғыңыз келсе, оларды есептейтін органға хабарласып, арнайы шоттың деректемелерін көрсетіңіз. 

Қол сұғуға болмайтын шотты қалай жабуға болады?

Қол сұғуға болмайтын шотты банкке өтініш жазу арқылы немесе қосымшада жабуға болады. Егер шотта ақша болса, оны банк кассасы арқылы алуға немесе басқа шотқа аударуға болады.