Жалпыға бірдей декларацияның соңғы кезеңі өзгертілді

Егер шетелде активтеріңіз болмаса, саясатпен айналыспасаңыз немесе ірі акционер болмасаңыз, декларация тапсырудың қажеті жоқ

Толығырақ

Жеке тұлғалардың кірістері мен мүліктері туралы декларация дегеніміз не?

Бұл жеке тұлға-салық төлеушінің есебі, онда барлық кірістер, салық шегерімдері және мүліктер жазылады. Ол 270.00 нысаны бойынша ресімделеді. 

Бұл декларация активтер мен міндеттемелер туралы 250.00 декларациясынан кейін тапсырылады. Онда барлық мүліктер, оның ішінде, мысалы, авторлық құқық объектілері, бағалы қағаздар және 10 000 АЕК-ке дейінгі қолма-қол ақша (2024 жылы 36 920 000 ₸) туралы ақпарат қамтылған. 
 

250 нысанын онлайн тапсырыңыз

Home.kz қосымшасын жүктеп, салық нысанын онлайн тапсырыңыз

Толығырақ

Декларацияның төрт түрі бар:
 

• бастапқы — егер бұған дейін 270.00 нысаны тапсырылмаса;
• кезекті — егер бұған дейін бірнеше рет декларация тапсырылған болса;
• қосымша — егер деректерді түзету немесе нақтылау қажет болса;
• хабарлама бойынша қосымша декларация — егер салық органының сұрауы бойынша түзету енгізілсе. 

Декларацияны кім және қашан тапсырады?

Декларациялау 2021 жылдан бастап біртіндеп жүргізілуде. Оған азаматтар мен резиденттердің әртүрлі санаттары кезекпен қатысады. Бұл процесс келесідей болады:

Декларациялар 1 қаңтардан 15 қыркүйекке дейін активтер мен міндеттемелер туралы — ағымдағы жыл үшін, ал кірістер мен мүлік туралы — өткен жыл үшін тапсырылады. Мысалы, 2024 жылдың 15 қыркүйегіне дейін 2024 жыл үшін 250.00 нысанын және 2023 жыл үшін 270.00 нысанын тапсыру қажет болады. 

Қағаз түріндегі декларациялар тек 15 шілдеге дейін қабылданады. 
 

Онлайн кредит

9 500 000 ₸ дейін кредит рәсімдеңіз. Home Credit Bank–пен қалаған сыйлықтарыңызды алып, өзіңізді және жақындарыңызды қуантыңыз

Жылдам ресімдеу

3 минутқа дейін

Толығырақ

Декларация қандай ақпаратты қамтиды?

Декларация ақша және мүлікпен Қазақстанда және басқа елдерде жүргізіліп жатқан барлық операцияларды қамтиды.

Қазақстанда декларацияда келесі ақпарат көрсетіледі:

• кірістер;
• салық шегерімдері, соның ішінде ипотекаға байланысты табыс салығын қайта есептеу үшін шегерім.

Басқа елдерде келесі ақпарат ескеріледі:

• шетелдік банктердегі ақша — егер қаражаттың жалпы сомасы өткен жылдың 31 желтоқсанындағы 1000 АЕК-тен артық болса (2024 жылы 2023 жылғы 31 желтоқсандағы АЕК бойынша санау қажет — 3450 ₸);
• мүлік — жылжымайтын мүлік, шетелде шығарылған бағалы қағаздар және заңды тұлғаның жарғылық капиталындағы қатысу үлесі.

Кез келген елде келесі нәрселер бойынша декларация тапсыру керек:

• сатып алынған, иеліктен шығарылған немесе өтеусіз негізде алынған мүлік;
• қарыздар — егер сіз қарыз болсаңыз (кредиторлық берешек) немесе сізге (дебиторлық берешек) біреу қарыз болса және нотариус куәландырған шарт болса. 

Декларацияны қалай толтыруға және тапсыруға болады?

Декларацияны электронды немесе қағаз түрінде толтыруға болады. Толтыру жөніндегі нұсқаулық 13.09.2021 жылғы №927 бұйрықта бар. 

Қағаз декларацияны жеке барып тапсыруға немесе мемлекеттік кірістер басқармасына тапсырыс хатпен жіберуге болады. Жеке барып тапсырған кезде паспорт немесе басқа жеке куәлік қажет болады. Бірақ мұны тек 15 шілдеге дейін жасауға болатынын ескеріңіз.

Электронды декларацияны жеке кабинетте тапсыруға болады. Декларацияны электронды түрде 15 қыркүйекке дейін тапсыруға болады. Декларацияны тапсыру жолдары:

egov.kz электрондық үкімет порталы арқылы. Жеке кабинетте авторландырудан өткеннен кейін «Азаматтарға» → «Кеден және салықтар» → «Салық салу» → «Жеке тұлғаның кірістері мен мүлкі туралы декларацияны қабылдау (270.00 нысаны)» бөлімін таңдап, «Қызметке онлайн тапсырыс беру» батырмасын басу қажет. Қажетті өрістерді толтырғаннан кейін көрсетілген деректердің дұрыстығын растап, SMS кодты енгізу арқылы құжатқа қол қою керек. 15 минут ішінде жеке кабинетте декларацияның қабылдануы туралы ақпарат көрсетіледі. 

Телефондағы e-Salyk Azamat қосымшасы арқылы. Қосымшада тіркелу керек — ол үшін ЭЦҚ, смс арқылы келген құпия сөз немесе ЖСН мен құпия сөз қажет. Мәзірге өтіп, «Декларацияны тапсыру» → «Декларацияны беру» → «270.00» батырмасын басу керек. Барлық қажетті бөлімдерді толтырып, «Жалғастыру» батырмасын басу қажет. Бұл кезеңде келесі мүмкіндіктер қолжетімді болады:

• декларацияны көру мүмкіндігі — ол үшін «Алдын ала қарау» батырмасын басу керек;
• декларацияны телефонға сақтау немесе жіберу мүмкіндігі — ол үшін экранның жоғарғы жағындағы белгіні басып, қажетті бағдарламаны таңдау қажет;
• декларацияға ЭЦҚ немесе смс-код көмегімен қол қою және оны жіберу мүмкіндігі.

Егер декларация жіберілсе, хабарламаны жүктеуге болады. Хабарлама қандай да бір қате туындаған кезде керек болады. 

Салық төлеушінің кабинеті арқылы — авторизациялау үшін ЭЦҚ қажет болады. Жеке кабинетте «Баптаулар» → «Нысандар тізімінің баптаулары» батырмасын басып, берілген жылын (2024 жылы 2023 жылды таңдау керек) және 270.00 нысанын таңдау қажет. Деректерді енгізгеннен кейін «Толтыруды тексеру» батырмасын басу керек. Егер ешқандай қате болмаса, «Мемлекеттік кірістер бөліміне жіберу» батырмасын басу қажет.
 

Декларация тапсырылмаса, ол кешіктерілсе немесе қате мәлімет ұсынылған болса, не болады?

Декларацияны уақытында тапсырмай немесе қате мәлімет ұсыну заңсыз болып табылады. Бұл әкімшілік құқық бұзушылық. 

Егер мемлекеттік кірістер басқармасына қате ақпарат жіберілсе, бірақ декларация тапсыру мерзімі әлі өтіп кетпесе, қате туралы хабарлап, қосымша декларация тапсыруға болады. Егер қате түзетілмесе, салық органы алдымен мәліметтерді нақтылап, содан кейін тексеру жүргізеді. Егер тексеру барысында бұзушылықтар анықталса, не болады? 

Егер 250.00 нысаны бойынша декларация тапсырылмаса, салық органы ескерту жасайды. Егер сіз бір жыл ішінде тағы бір рет кешігіп қалсаңыз, 15 АЕК мөлшерінде айыппұл салынады (2024 жылы бұл 55 380₸). 

Егер қате салдарынан салықтарды және бюджетке төленетін басқа да міндетті төлемдерді қайта есептеу қажет болмаса, онда бірінші рет ескерту ғана жасалады. Егер осы сәттен бастап бір жыл ішінде тағы бір рет бұзушылық орын алса, 3 АЕК мөлшерінде айыппұл төлеуге тура келеді (2024 жылы бұл 11 076 ₸).

Егер қате берілген мәліметтерге байланысты есептелген салық төлеуге жататын салық мөлшерінен кем болса, онда төленбеген салықтан басқа, айыппұл төлеуге тура келеді — ол төленбеген салық сомасының 200%-ын құрайды. Бір жыл ішінде бұл жағдай қайталанса, айыппұл 300%-ды құрайды.

Негізгі түйіндер: жеке тұлғаның табысы мен мүлкі туралы декларацияны не үшін, қашан және қалай тапсыру керек?

• Декларацияда табысыңыз, мүлкіңіз, оны сатып алу немесе сату туралы мәліметтер көрсетіледі. Декларациялау салық төлеуден жалтаруды қысқартуға бағытталған. 
   
• Жалпыға бірдей декларациялауға көшу бірнеше кезеңнен тұрады: 2024 жылы үшінші кезең, ал 2025 жылы барлық азаматтар қатысатын соңғы кезең басталады.
• 2024 жылы 270.00 нысаны бойынша декларацияны 2023 жыл үшін мемлекеттік қызметкерлер, бағалы қағаздар нарығының, банк және сақтандыру нарықтарының ірі қатысушылары, мемлекеттік мекемелер мен квазимемлекеттік сектордың қызметкерлері, сондай-ақ олардың жұбайлары тапсырады. Мұны қағаз түрінде 15 шілдеге дейін, ал электронды түрде 15 қыркүйекке дейін тапсыру керек. 
• Қағаз түрінде декларацияны дербес түрде салық органына барып тапсыруға немесе пошта арқылы жіберуге болады. Ол тіркелу мекенжайы бойынша жасалады. Декларацияны электрондық түрде салық төлеушінің кабинеті арқылы немесе электрондық үкімет порталында ресімдеуге болады. 

Декларацияны ұсынбау немесе ондағы мәліметтерді бұрмалау әкімшілік құқық бұзушылық болып табылады. Ол үшін төленбеген салық сомасының 300%-на дейін айыппұл салынуы мүмкін.

Сайтта кредитті онлайн ресімдеңіз

Картаға 10 000 ₸-ден бастап 9 500 000 ₸-ге дейін алыңыз

Жылдам ресімдеу

3 минутқа дейін

Толығырақ