Қосымшаны таңдау кезінде не маңызды?

Жеке қаржыны басқаруға арналған барлық қосымшалар ұқсас принциппен жұмыс істейді: пайдаланушы бағдарламаға өз кірістерін және шығындарын енгізеді. Қосымша шығындарды талдап, ең көп қаражат кететін санаттарды анықтауға көмектесетін кестелерді ұсынады. Әртүрлі әзірлеушілер қосымшаға өздерінің ерекше функцияларын қосады. Нені ескеру керек: 

• Автордың шығындарын анықтау және жаңа транзакциялар қосылған кезде басқа пайдаланушыларға Push-хабарламалар жіберу мүмкіндігі бар кредиттік міндеттемелерді ескере отырып, отбасылық бюджетті басқару.
• Шығындар туралы толық есептерді PDF форматында жасау және экспорттау.
• Банктерден келген SMS-хабарламалар арқылы транзакцияларды автоматты түрде тану және есепке алу.
• Әр сатып алуға чектің немесе сатып алынған заттардың фотосуретін тіркеу.
• Алдағы қаржылық міндеттемелер туралы еске салу.
• Тұрақты шығындар үшін шаблондар жасау.

Шығындарды есептейтін қосымшаның интерфейсінің ыңғайлы болуы маңызды. Бірақ бұл міндетті критерий емес: әркім әртүрлі интерфейс ұнатады. Біз бірнеше танымал қызметтерді тексеріп, пайдаланушылардың пікірлерін талдадық. 

Қарапайым интерфейсі бар қосымшалар

Егер сізге көп функция қажет болмаса немесе шығындар мен кірістерді ғана есептеу қажет болса, қарапайым функциялары бар қосымшаларды таңдауға болады.

Банктің қосымшасы

👤 Қолма-қол ақшаны пайдаланбайтын және басқа қосымша орнатқысы келмейтін тұлғалар үшін банк қосымшасы ыңғайлы болады.

Мысалы, Home Credit Bank карталармен жасалған кірістер мен транзакциялар, төлемдер, аударымдар, есептлеген кэшбэк сомасы туралы деректерді жинайды. Шығындар туралы есептерді кезең бойынша смартфон экранынан көруге немесе PDF форматында жүктеуге болады.

Тяжеловато қосымшасы

👤 Бұл қосымша бюджетті жүргізуге емес, жоспардан тыс шығындарды бақылауға көмектеседі. Қосымша тегін және қолдануға ыңғайлы. Сізге шопинг жасайтын кезде немесе демалыста артық ақша жұмсамауға көмектеседі. 

Қосымшаға шектеулі бюджетті енгізіп, шығындарды жазып жүру қажет. Қосымша қанша ақша қалғанын және күніне қанша ақша жұмсауға болатынын көрсетеді. Егер пайдаланушы шектеулі бюджеттен артық ақша жұмсаса, қосымша келесі күннің қолжетімді лимитін азайтады. 1-40 күн аралығындағы кезеңді белгілеуге болады. 

Қосымшаның кемшілігі — оған кірістерді, мысалы қайтарылған соманы, сыйлықтарды, қосымша табысты қосуға болмайды. Бірақ әзірлеуші қосымшаны дамытуда.

Жүктеу: Google Play және App Store

Тегін ыңғайлы қосымшалар

Бюджетті толық жүргізгісі келетін және қосымшаны бірінші рет пайдаланатын тұлғалар үшін негізгі функцияларды, яғни кірістер мен шығыстарды енгізу, шығындарды бақылау қызметтерін түсіну оңай болады. Сондықтан алдымен тегін нұсқасы бар қосымшаларды таңдаған дұрыс. Қажеттілік болса, кез келген уақытта ақылы нұсқаға ауысуға болады. 

Moneon

👤Бұл қосымша шығындар лимитін белгілеп, жеке бюджетті жүргізгісі немесе отбасының шығындарын бақылағысы келетін жандарға ыңғайлы.

Деректерді қолмен енгізу керек. Moneon қосымшасының тегін нұсқасында әртүрлі валютада есеп жүргізуге, бірнеше әмиян қосуға, транзакцияларды дауыспен айтып енгізуге болады. Қосымша Apple Watch және iMessage-те қолжетімді. 

Ақылы нұсқада қолдануға болатын мүмкіндіктер:

• Кредиттерді ескере отырып, отбасымен ортақ бюджет жүргізуге болады. Барлық шығынның қасында төлем жүргізген адамның есімі жазылып тұрады, ал қалған пайдаланушыларға жаңа шығындар қосылған кезде Push хабарламалар жіберіледі.
• PDF форматында жүктеуге болатын шығындар туралы есептерді алуға болады.
• Шығындарды автоматты түрде қосу үшін қосымша банктен жіберілетін SMS-ті тани алады.
• Әрбір сатып алуға фотосуреттерді, мысалы, чек немесе төленген зат суретін қосуға болады.
• Алдағы төлемдер туралы хабарламаларды қосуға болады.
• Тұрақты шығындар бойынша шаблондар жасауға болады.

Ақылы жазылымның екі түрі бар: бір жылға және бір айға. 

Жүктеу: PlayMarket және AppStore

Пайдаланушылар оны түсінікті интерфейсі бар қарапайым және қолжетімді қосымша деп санайды. Кейде техникалық ақаулар, мысалы синхрондалу, жаңарту немесе деректерді жаңа телефонға енгізуде ақаулар туындайды. Бірақ қолдау қызметі ақауларды тез жояды.

Money Manager

👤Бұл қосымша шығындардың белгілі бір санаттарын талдауға көмектеседі.

Тегін нұсқасында бірнеше валютадағы шығындар мен кірістердің есебін жүргізуге, шығындарды кесте бойынша талдауға, бюджетті жоспарлауға, калькулятор қолдануға және шығындарды бақылауға болады. Бірақ деректерді қолмен енгізу керек. 

Ақылы нұсқада қолдануға болатын мүмкіндіктер:

• бір айға, аптаға немесе басқа кезеңдегі шығындар туралы есептерді алуға;
• транзакциялар бойынша фотосуретті сақтауға;
• жетілдірілген функция мен диаграммалар арқылы шығындарды толық зерттеуге;
• шығындарды күнтізбеде қарауға;
• жинақ ақша мен кредитті басқаруға, автоматты төлемдерді орнатуға;
• ай сайынғы бюджеттерді санаттар бойынша белгілеуге;
• инвестициялар бойынша кестелерді қарауға болады;
• сонымен қатар комьютерлік нұсқасы қолжетімді.

Ақылы жазылымның екі түрі бар: бір жылға және бір айға. Қосымшаның кемшіліктері — құрылғылар арасында шығындарды синхрондауға болмайды, сондықтан отбасы мүшелерімен ортақ бюджетті жүргізу ыңғайлы емес. 

Жүктеу: PlayMarket және AppStore

Monefy

👤 Бұл қосымша қаржы туралы ақпаратты бірден білгісі келетін жандар үшін ыңғайлы: қосымша санаттар бойынша шығындар кестесі негізгі экранда көрсетіледі. Есеп жүргізбей, бір күндегі шығындарды бірден көруге болады.

Тегін нұсқасының интерфейсі қарапайым және түсінікті. Онда бір уақытта бірнеше шотты жүргізуге болады. Бірақ ортақ бюджет жүргізуге болмайды. Үнемі жарнамаларды қарау немесе жазылымды сатып алу арқылы қосымша функцияларды орнатуға болады. 

Ақылы нұсқада қолдануға болатын мүмкіндіктер:

• шығындарды санаттар немесе уақыт кезеңі бойынша бөлуге, оларды диаграммалар бойынша талдауға;
• орнатылған калькулятор арқылы статистиканы тексеруге және бюджетті есептеуге;
• әртүрлі валютада есеп жүргізуге;
• ортақ бюджетті жүргізуге және Google Drive пен Dropbox арқылы деректерді синхрондауға болады.

Банктік қызметтерді қосуға болмайды, шығындарды мұқият түрде қолмен енгізуге тура келеді. Ақылы жазылымның екі түрі бар: бір жылға және бір айға.

Жүктеу: PlayMarket және AppStore

Money Flow

👤Бұл қосымша барлық қарыздарды бақылағысы келетін тұлғаларға ыңғайлы болады. Ол міндетті төлемдер туралы хабарлама жібереді және автоматты түрде қайталанатын шығындарды қосады.

Бірнеше валютада есепті тегін жүргізуге болады. Ай сайын ғана емес, таңдалған кезеңдегі кірістер мен шығыстарды талдауға болады. Банктік қызметтерді қосу мүмкіндігі жоқ.

Ақылы нұсқада қолдануға болатын мүмкіндіктер:

• 170 валюта қосымшасында мультивалютамен операция жүргізуге;
• шығындардың ішкі санаттарын, тегтерді және гео белгіленімдерді қосуға;
• шоттарды топтастыруға;
• шығындар мен мақсаттарға шектеулер қоюға;
• деректерді бірнеше құрылғылармен синхрондауға;
• күн, апта, ай, жыл үшін диаграммалардағы шығындарды талдауға;
• чектерді сканерлеуге;
• шоттар арасында ақша аударуға;
• орындалған операцияларды жүктеуге болады;

Ақылы жазылымның екі түрі бар: бір жылға және бір айға.

Жүктеу App Store, Андроид үшін қолжетімді емес.

Деньги ОК

👤Бұл қосымшада санаттар бойынша дайын шаблондар бар. 

Тегін нұсқада шығындарды санаттарға бөлуге және күн немесе ай бойынша есептерді көруге болады. Барлық деректер қолмен енгізіледі. Соған қарамастан шығындарды топтастыруға арналған ыңғайлы виджет бар. Қосымша Apple Watch-те қолжетімді, компьютерлік нұсқасы да бар.

Қосымшаның ақылы нұсқасы Деньги ОК pro деп аталады. Ақылы нұсқада қолдануға болатын мүмкіндіктер:

 

• бюджетті жоспарлауға;
• кредиттерді есептеуге;
• ішкі санаттарды қосуға;
• құрылғылар мен пайдаланушылар арасында синхрондалуға;
• деректерді CSV файлдарына жүктеуге;
• автоматты төлемдерді қосуға;
• транзакцияларға комментарий қосуға болады.

Ақылы нұсқаны бір айға, бір жылға немесе 5 жылға қосуға болады.

Жүктеу: Google Play және App Store. Pro нұсқасы тек App Store дүкенінде қолжетімді

Бұрыннан есеп жүргізіп келе жатқан пайдаланушыларға арналған қосымшалар

Ақылы қосымшаларда көптеген мүмкіндіктер қолжетімді. Олардың интерфейсі күрделі, ал тегін нұсқаларда функциялар шектеулі. Ақылы қосымша жеке, отбасылық және бизнес қаржысын жүргізуге және толық талдау жасауға көмектеседі.

Дзен-мани

👤 Бұл қосымша алдын ала есеп жүргізетін жандар үшін ыңғайлы.

Тегін нұсқада кірістер мен шығыстарды тек қолмен енгізуге болады. Ақылы нұсқа мұны автоматты түрде жасайды және шығындарды қажетті санатқа қосады. Басқа функциялар:

 

• міндетті төлемдер туралы ескертеді, ақшаны бағалауға көмектеседі;
• чектерді сканерлейді;
• ақшаның қайда көп және жиі жұмсалатынын көру үшін шығындардың гео белгіленімдерін сақтайды;
• отбасылық бюджетті жүргізу үшін басқа гаджеттермен синхрондалады;
  
   
• санаттар бойынша шығындарды жоспарлауға мүмкіндік береді, мысалы, азық-түлік немесе машина шығындарына лимитті белгілейді;
• тұрақты шығындар статистикасын әзірлейді: санаттар бойынша орташа шығындарды анықтайды, кірістегі шығындардың үлесін тексереді және т.б. 

Қосымшаны 14 күн тегін пайдалануға болады, содан кейін бір айға, бір жылға немесе тұрақты жазылымды сатып алу керек болады. Қаламасаңыз жазылымды алмай, деректерді өзіңіз енгізе аласыз.

Жүктеу: PlayMarket және AppStore

CoinKeeper

👤Бұл - отбасылық бюджетті жүргізуге және шығындарды есепке алуға арналған қосымша. Тегін нұсқадағы функциялар шектеулі: деректерді тек қолмен енгізуге болады.

Ақылы нұсқада қолдануға болатын мүмкіндіктер:

• Қосымшаны бірнеше банк карталарымен синхрондауға болады. 
• Әртүрлі банктердің карталарын қосып, отбасы мүшелерімен немесе басқа жақын адамдармен бюджетті жүргізуге болады. Деректер әр смартфонда бірдей көрсетіледі.
• Қосымшада шығындар санаттарын қосуға, белгілер қоюға, осы белгілерді ескере отырып, графиктегі шығындарды талдауға немесе Excel-ге (CSV) жүктеуге болады.
• Апта, ай, тоқсан және мақсаттар бойынша шығындар лимиттерін белгілеуге болады. Егер лимит асып кетсе, қосымша бұл туралы хабарлайды.

Ақылы жазылымның екі түрі бар: бір жылға және бір айға.

Жүктеу: PlayMarket және AppStore

Toshl

👤Бұл - шетелдік шоттары немесе криптовалютасы бар жандарға арналған қосымша.

Тегін нұсқада тек екі шот қосып, екі бюджетті жүргізуге болады. Компьютерлік нұсқасы бар.

Ақылы нұсқада қолдануға болатын мүмкіндіктер:

• бүкіл әлем бойынша 13000-нан астам банктік шоттарды, кредит карталарын, қаржылық қызметтерді қосуға;
• жаңа бағам бойынша 200 валютамен және 30 криптовалютамен есеп жүргізуге;
• шығындарға санаттар, тегтер, орналасқан жер, комментарийлер, қайталанатын шығындар, хабарламалар, фотосуреттер қосуға;
• онлайн банк деректерін қосымшаға жүктеуге;
• Санаттар, тегтер немесе шоттар бойынша ай сайынғы шығындар кестесін талдауға;
• бюджет және лимит бойынша ағымдағы айда қанша ақша жұмсауға болатындығын көруге;
• бірнеше мобильді құрылғылармен және қосымшаның компьютерлік нұсқасымен синхрондалуға болады.

Ақылы нұсқаны бір айға немесе бір жылға қосуға болады.

Жүктеу: Google Play және App Store

Үздік қосымша: сарапшылардың пікірі

Жеке қаржы жөніндегі кеңесші Василий Мещеряков: