Home Credit Bank банк сатылымы туралы тарап жатқан ақпараттың шындыққа жанаспайтынын мәлімдейді. Банк Қазақстанда қалыпты режимде жұмысын жалғастырып, клиенттер алдындағы барлық міндеттемелерін толық орындайды.
«Әлеуметтік желілерде тарап жатқан ақпарат әрқашан шындыққа сәйкес келе бермейді. Біз Қазақстан Республикасының заңнамасына сәйкес жұмыс істейміз, реттеуші талаптарын және клиенттер алдындағы барлық міндеттемелерімізді орындаймыз. Банктегі жеке тұлғалардың салымдары толық көлемде қорғалған, оның ішінде Қазақстанның депозиттерге кепілдік беру қоры (ҚДКҚ) арқылы да. Бұл клиенттердің қаражаты үшін қосымша қорғауды қамтамасыз етеді. Биыл Home Credit Bank-тің Қазақстан нарығына шыққанына 20 жыл толып отыр. Осы уақыт ішінде біз жеке және заңды тұлғалармен жұмыс істейтін сенімді қаржы институты ретінде қалыптастық», – деді Home Credit Bank басшысы Кирил Бачваров.
Ресми дереккөздерге ғана сенуді сұраймыз. Банк өз жаңалықтарын тұрақты түрде ресми сайтында, бұқаралық ақпарат құралдарында және Қазақстан қор биржасының сайтында жариялап отырады. Қосымша сұрақтар бойынша Корпоративтік коммуникациялар қызметіне хабарласуға болады.
Home Credit Bank — халықаралық PPF тобының құрамына кіреді. Қазақстанда банк активтер көлемі бойынша 12-орында тұр — 1 трлн теңгеден астам. 2025 жылғы наурыздың басында ссудалық портфелі 798,4 млрд теңгені, клиенттердің депозиттері 514 млрд теңгені құрады. Сондай-ақ банк Қазақстандағы екінші деңгейлі банктер арасында меншікті капитал көлемі бойынша ТОП-10 қатарына кіреді — 198,6 млрд теңге.