Жинақтаушы сақтандыру қалай жұмыс істейді?
Бастапқыда бәрі классикалық сақтандырумен бірдей болып көрінеді. Сақтанушы сақтандыру компаниясымен шарт жасасады және бастапқы жарнаны төлейді. Сақтандыру өз күшіне енеді және шарттың бүкіл мерзімі ішінде жарамды болады. Шартта көрсетілген оқиға болған кезде сақтандыру компаниясы сақтандыру төлемін есептейді.
Сақтандыру жағдайына тек өлім ғана емес, сонымен қатар уақытша немесе толық мүгедектікке әкелетін аурулар мен жарақаттар жатады. Мысалы, денедегі сынықтар, онкологиялық аурулар, ұзақ мерзім ішінде ауруханада жату сақтандыру жағдайы болуы мүмкін.
Ал жинақтаушы сақтандырудың қандай ерекшелігі бар? Сақтанушы белгілі бір кезеңділікпен жарналар жасауы мүмкін. Олар арнайы шотта жиналады, ал сақтандыру компаниясы оларға пайыздар есептейді. Сақтандыру мерзімі аяқталғаннан кейін сақтанушы шотта жинақталған соманы алады. Бұл жағдайда сақтандыру жағдайы болды ма, жоқ па маңызды емес.
Айталық, Айлин қызының оқуына ақша жинауға шешім қабылдады. Ол сақтандыру төлемі 20 млн. ₸ құрайтын өмірді жинақтаушы сақтандыру шартын 10 жылға жасасты. Ай сайын ол сақтандыру шотына 166 666 ₸ салатын болады, ал оның шарты бойынша кірістілік жылдық 5%-ды құрайды. Айлинмен бір нәрсе болып қалса, бұл ретте оның жинақ шотында бұдан кем сома болса да, оның қызы 20 млн ₸ алатын болады. Ал егер сақтандыру мерзімінің соңына дейін Айлинмен бәрі жақсы болса, ол жинақталған 20 млн ₸ және қосымша 2,5 млн. ₸ алады. |
Жинақтаушы сақтандыру — бұл икемді құрал: сақтандыру компаниясы шарттарды әр клиент үшін жеке таңдайды немесе тиімді бағдарламаны таңдауға көмектеседі. Сақтанушы жарналарды жасау үшін ыңғайлы соманы және сақтандырудың қолданылу мерзімін таңдай алады.
Өмірді жинақтаушы сақтандырудың артықшылықтары мен кемшіліктері
✅ Басты артықшылық — сақтанушы балаларды оқыту, үй сатып алу, саяхат, зейнетақы сияқты маңызды мақсаттарға ақша жинауы мүмкін. Бұл ретте ол сақтандырудың бірінші күнінен бастап сақтандырылады және егер өлім, мүгедектік немесе ауыр сырқат сияқты жағымсыз оқиға орын алса, ол өзін қаржылық шығындардан қорғайды.
✅ Жинақ сомасына пайыз есептелетіндіктен, бұл ақшаны құнсызданудан қорғауға көмектеседі.
✅ Жинақтаушы сақтандыру — бұл отбасыңызға қамқорлық жасау тәсілі. Егер жазатайым оқиға орын алса және сақтанушы қайтыс болса, оның мұрагерлері сақтандыру төлемінің толық сомасын және шотта жинақталған ақшаны алады.
✅ Жинақтаушы сақтандыру бойынша түскен табыстарға салық салынбайды.
⛔ Ақшаны жоғалту қаупі. Сақтандырудың минималды мерзімі, әдетте, 10 жылды құрайды. Егер сіз ақшаны мерзімінен бұрын алсаңыз, онда сақтандыру тек өтеу сомасын төлейді. Оның мөлшері сақтандыру жылдарының мөлшеріне байланысты болады және сақтандырудың әр жылының аяқталу күніне сақтандыру полисінде көрсетіледі.
Кейбір компаниялар шарттарды шығынсыз өзгертуге мүмкіндік береді. Егер уақытша қаржылық қиындықтар туындаса және полис ұстаушы бірнеше ай бойы жарна төлей алмаса, олар кестені өзгертуі мүмкін. Мысалы, ай сайынғы соманы азайтып, сақтандыру мерзімін ұзартуға немесе айына бір рет емес, тоқсанына бір рет төлейтіндей етіп шарттарды өзгертуге мүмкіндік береді.
Өмірді сақтандыру рәсімін жүргізу тәртібі мен қағидалары
18 жасқа толған кез келген адам өмірді жинақтаушы сақтандыру шартын жасай алады. Оған қоса полисті 2 жастан бастап балаға да ашуға болады. Бірақ 59 жастан асқан қарт адамдар, мүгедектігі бар және онкология сияқты ауыр сырқаттары бар адамдарға полис ресімдеуден бас тартылады.
Сақтандыру компаниясы әр клиентке жеке шарттарды ұсынады және әрбір адам үшін сақтандырудың тиімді шарттарын таңдайды. Оны ресімдеу үшін кез келген өкілдікке немесе компанияның кеңсесіне жүгіну керек. Өзіңізбен бірге паспорт пен басқа да қажетті құжаттар болуы тиіс.
| Көбінесе жинақтаушы сақтандыруды ресімдеу үшін сақтандыру компаниясына сақтандыру агенті арқылы жүгіну ыңғайлы. Бұл барлық сұрақтарға жауап беретін, тиімді ұсынысты таңдайтын, барлық құжаттарды өзі жинап, полисті ресімдейтін жеке қаржы кеңесшісі. Көбінесе барлығы қашықтан жасалады, сондықтан клиентке ешқайда барудың қажеті жоқ. |
Құжаттар пакеті жеке түрде айқындалады және сіз сақтандырғыңыз келетін адамдардың санына, жасына және денсаулық жағдайына байланысты болады. Әдетте қажет болатын құжаттар:
- Өтініш. Сақтандырылған сақтанушы (мысалы, егер сіз баланы сақтандырсаңыз), пайда алушы — сақтандыру жағдайы басталған кезде төлем алатын адам туралы мәліметтерді толтыру қажет. Өтініш нысаны ресімдеу кезінде ұсынылады.
- Жеке басын куәландыратын құжат (паспорт, тұруға ықтиярхат, балалар үшін — туу туралы куәлік) және сақтанушының, сақтандырылушының және пайда алушының ЖСН нөмірлері.
- Егер сақтандыру сомасы 100 млн теңгеден асатын болса, компания жалпы қан анализін қоса алғанда, бірнеше мамандардан денсаулық жағдайы туралы анықтама сұрауға құқылы. Ал үлкен жылдық жарна жағдайында табыс туралы анықтама сұратылуы мүмкін.
Шешім өтініш берілген күні бірден қабылдануы мүмкін. Өтінішті қарап, құжаттарды тексергеннен кейін сізге жеке сақтандыру шарттары ұсынылады. Шартты мұқият оқып шығыңыз және шарттармен келіссеңіз, құжатқа қол қойыңыз.
Сақтандыру жағдайы басталған кезде бұл туралы сақтандыру компаниясына 30 күннен кешіктірмей хабарлау қажет. Әдетте сақтандыру жағдайын қарастыру мерзімі клиенттен қағаз түрінде растау құжаттарының толық пакетін алғаннан кейін 15 жұмыс күнін құрайды.
Өмірді жинақтаушы сақтандыруға ұқсас қызметтер
Қысқа мерзімді сақтандыру. Классикалық сақтандыру арқылы ақша жинауға болмайды, бірақ кенет ақша қажет болса, қолдау алуға болады. Home Credit Bank-те екі жылға дейін сақтандырудың бірнеше түрі бар:
👪 Отбасын қорғау. Төлемдер ауру мен жазатайым оқиға болған жағдайда жасалынады. Сақтандыруды ерлі-зайыптыларға, балалы отбасыларға немесе ата-аналарға ресімдеуге болады, ал сақтандыру сыйақысының сомасы 3 млн ₸ дейінгі соманы құрайды.
💉Еңбекке жарамсыздық парағын төлеу. Егер сіз ауырып қалсаңыз немесе жарақаттансаңыз, сақтандыру ақша жоғалтпауға көмектеседі. Максималды төлем — 300 000 ₸.
🚗 https://home.kz/insurance/yuridicheskaya-zashitaЖКО туралы заңды қорғау. Полис бойынша сақтандырылушы жол апаты кезінде сақтандыру төлемін алады: егер сақтандырылушы ауруханаға жатқызылса күніне 5 000 ₸ , ал қайтыс болған жағдайда 500 000 ₸ төленеді. Сонымен қатар, біз заңгерлік қолдауды ұсынамыз: кеңес алу, құжаттарды дайындау және келіссөздер жүргізу кезінде көмек көрсетеміз.
🧳 Саяхатшыларды қорғау. Саяхаттар қауіпсіз болады: сапардан мәжбүрлі түрде бас тарту қажет болса, багаж немесе құжаттар жоғалса, жазатайым оқиғалар болған жағдайда полис бойынша ақша төленеді. Сақтандыру төлемінің сомасы — 1 млн ₸ дейін.
🏠 Мүлікті сақтандыру. Пәтерді су басса немесе үйде электр сымдары жанып кетсе, уайымдаудың қажеті жоқ : полис бойынша 3 миллион ₸ дейін төлем алуға болады. Заттар мен жиһаз сақтандырылады. Егер сіз көршілерге зиян келтірген болсаңыз — полис бұл шығындарды да өтейді.
Салым. Бұл ақша жинау үшін ыңғайлы құрал: ол ақшаны құнсызданудан қорғауға және қосымша табыс алуға мүмкіндік береді. Кейбір депозиттер бойынша, жинақтаушы сақтандыру жағдайында сияқты, ақшаны мерзім аяқталғанға дейін алуға болмайды, өйткені салымшы есептелген пайыздарды жоғалтады. Бірақ депозиттің мерзімі аз болып табылады, ал Home Credit Bank-те мұндай салымдар бойынша 16,7%-ға дейінгі жоғары мөлшерлемелер бар.
Ақшаны басқару мүмкіндігін қажет ететін адамдарға «Простой» депозитін ашуға болады: одан ақшаны кез келген уақытта алуға болады.
