БКБ конференциясында сарапшылар кәсіпкерлер үшін Home Credit Bank–тің digital–банкі арқылы қолжетімді функциялар және нарықтағы өзгерістер туралы айтты
Шағын және орта бизнеске арналған Home Credit Bank цифрлық банкі іске қосылғаннан кейін бір жылдың ішінде платформаны пайдаланушылар саны 27 мыңға жетті, олардың ішінде 8 мың заңды тұлға оны белсенді түрде пайдаланып жүр. 2025 жылы банк шағын және орта бизнеске кредит беруді жоспарлап отыр. Шағын және орта бизнес үшін қолжетімді қызметтер және E–com трендтері туралы банк мамандары Бірінші Кредиттік Бюроның «Навстречу бизнесу» атты конференциясында айтты.
Банк басшысы өз сөзін жаңалықтардан бастады. «2025 жылы біздің банк 20 жылдық мерейтойын атап өтеді. ШОБ–қа арналған HCB Business цифрлық банкі іске қосылғаннан бері бір жыл өтті», – деп айтты Кирил Бачваров.
Біз неге осы цифрлық банкті іске қосуды шештік? Ол біздің миссиямызбен байланысты, –деп атап өтті Басқарма Төрағасы.
«Біздің ұранымыз: біз көмектесуге қуаныштымыз! Сондықтан біздің мақсатымыз – Қазақстандағы бизнеске көмектесу! Біз клиенттеріміз үшін 19 жыл бойы жұмыс істеп келе жатырмыз. Бір жылдан астам уақыт бұрын біз шағын және орта бизнеске арналған цифрлық банкті іске қосуды шештік. Біз неге осындай шешімге келдік? Бізде 5–6 мыңға жуық серіктес болды және біз олармен жұмыс жасап, клиенттерге кредит берумен айналысқан болатынбыз. Сол кезде клиенттеріміздің 10%–ы жеке кәсіпкерлер болды. Олардың саны 100 мыңға жетеді. Кейде біз оларға жеке тұлға ретінде кредит бердік, сондықтан біз олардың қажеттіліктерін түсінеміз. Сонымен қатар ШОБ Қазақстанда қарқынды түрде дамып келе жатыр. Ірі және орта бизнестегі компаниялардың саны аса өспей жатыр, ал ШОБ сегменті жыл сайын 25–27%–ға артып келеді. ШОБ жаңа жұмыс орындарын жасап, оның ЖІӨ–дегі үлесі үштен бір бөлігін құрайды. Сондықтан біз осы бағытта жұмыс жасауды бастадық», — деп айтты банк басшысы.
Көптеген ШОБ қажеттіліктерін жабу үшін банк бірнеше стратегиялық бағыттарды таңдады. Ең бастысы – бұл транзакциялық қызметтерді дамыту. «2022 жылы кейбір банктер нарықтан шыққаннан кейін осы бағытта жаңа мүмкіндіктер пайда болды. Сондықтан біз серіктестерімізбен жұмыс жасауға көбірек көңіл бөле бастадық. «Онлайн–банк арқылы кәсіпкер мерчант кабинетін жылдам қоса алады. Содан кейін осы мерчант кабинетіне өзінің әртүрлі қалалардағы бірнеше сату нүктелерін QR жүйесіне қоса алады. QR–код арқылы Компания тауарларды клиенттерге бөліп төлеуге сатып алу мүмкіндігін ұсына алады. Сонымен қатар клиент үшін банкіміздің клиенті болу шарт емес», - деп айтты Кирил Бачваров.
Сондай-ақ банк шетелдік серіктестермен жұмыс жасайтын бизнестерге баса назар аударды. «Біз оларға басқа елдерге аударымдарды бірнеше валютада тез жүзеге асыру мүмкіндігін ұсынамыз. Бірақ алда әлі де жұмыс көп. Әзірге юаньдар мен дирхамдарда аударымдар жасау мүмкін емес. Бірақ олар 2025 жылдың басында қолжетімді болады деп ойлаймын», – деп атап өтті банк басшысы.
ШОБ қызметтерін тестілеу кезінде 2023 жылдың тамыз айынан бастап барлығы тегін болды. «Кәсіпкерлер қызметтерімізді сынап, оларға баға беру біз үшін маңызды болды. Тек 2024 жылдың наурызынан бастап қызметтер ақылы бола бастады. ШОБ–қа арналған диджитал-банкіміз тек бір жыл ғана жұмыс істеп келе жатыр, бірақ клиенттеріміздің саны 27 мыңға жетті, ал олардың ішінде 8 мың клиент қосымшамызды белсенді түрде пайдаланып жүр. Мерчант–кабинеті арқылы 20 млрд теңгеге кредит берілді, ал шоттарда 15 млрд теңгеге жуық қаражат бар. Біз үшін бұл өте үлкен жетістік! 2025 жылдың бірінші тоқсанында ШОБ сегментін кредиттеуді тестілеу жоспарлануда», — деп атап өтті банк басшысы.
ШОБ басқарушы директоры Арина Лепихова басқа қызметтер туралы айтты. Ол ШОБ енді төлемдерді кез келген банктен қабылдай алатынын атап өтті. Бұл қызмет ешбір басқа банкте жоқ. «Біз нарықты зерттеп, ол 20 млн қазақстандықтың 15 миллионы банк өнімдерін пайдаланатынын анықтадық. 300 мың жеке және заңды тұлға тауарлар үшін төлемдерді шетелдік банктердің карталары мен ашық экожүйелері бар банктер арқылы қабылдауды қажет етеді. Енді төлем жасау сілтемесі бойынша өтіп, пайдаланушы төлемді кез келген банк картасынан жасай алады. Ол үшін ҚР банк картасының болуы шарт емес. Бұл өте оңай әрі тез. Біздің қосымшасыз арқылы кәсіпкер сатылымдар аналитикасын, төлем мәртебесін және т.б. процестерді бақылауы мүмкін», — деп атап өтті Арина Лепихова.
Инновацияларды жасау оңай емес», - деп қосты ол. «Ол үшін Қазақстанды ғана емес, бүкіл әлемді зерттеу қажет. Сондықтан біз трендтерге назар аударамыз. Мысалы E-commerce деректерін қарастырайық. 2023 жылы бұл нарық әлемде 10%–ға, ал Қазақстанда 23%–ға өсті. Біз бұл саланы басқа тұрғыдан қарастырсақ, онда әлеуметтік коммерция нарығын да талдауға болады. Өйткені ол да дамып келе жатыр. Мысалы, біздің елде әлеуметтік желілерді 13 миллион адам қолданып отыр, ал 2023 жылы әлеуметтік желілер арқылы жасалған сатылымдардан түскен табыс 200 миллион долларға жетті. 2025 жылға қарай бұл көрсеткіш 4 есе өседі деген болжам бар. Әлеуметтік желілер көптеген американдық компаниялар үшін маңызды сату арнасына айналды. Facebook, Instagram және TikTok компанияларының интеграциясы брендтерге клиенттермен тиімді қарым-қатынас жасауға, сатылымдарды арттыруға мүмкіндік береді. Біздің елімізде де солай болады деп ойлаймыз», — деп айтты Арина Лепихова.
Банктер мен бизнестер әртүрлі ұрпақтардың цифрлық әдеттерін зерттеу керек. «Өйткені бұл әдеттер өзгереді. Мысалы, «альфа» (2013 жылдан бастап туылған) және Z (1997 жылдан 2012 жылға дейін) ұрпағының әдеттері миллениалдармен салыстырғанда (1981 жылдан 1996 жылға дейін) мүлдем басқа. «Альфа» және Z барлық сатып алуларды интернет арқылы жасайды. Бұл тренд бүкіл әлем бойынша байқалуда. Сондықтан олармен қарым-қатынас орнату үшін басқа құралдарды пайдалану қажет. Жақын арада миллениалдар бизнес үшін ең маңызды аудитория болады. Сондықтан әлеуметтік коммерция негізінен миллениалдар мен Z ұрпақтарының есебінен өседі. 2025 жылға қарай осы саладағы әлемдік шығындардың 62%-ы оларға сәйкес келеді», — деді Арина Лепихова.
Банкіміз болса, онымен шектелмейді. HCB Business-те жақын арада басқа жаңа әрі қызықты қызметтер пайда болады.