Home Credit Bank Қазақстандағы жедел жәрдем қызметкерлеріне қайырымдылық көмек көрсетуді жалғастыруда. 1 ақпанда банк Астананың 809 дәрігері мен 301 жедел жәрдем жүргізушісіне 1110 қысқы киім жиынтығын сыйға тартты. Енді банк жедел жәрдем қызметкерлеріне күзгі және жазғы форманы ұсынуды жоспарлауда.
«Елордалық дәрігерлерді, фельдшерлерді, жедел жәрдем жүргізушілерін жаңа формамен қамтамасыз ету - қаңтар оқиғаларынан кейін 2022 жылы қолға алған қайырымдылық бастамамыздың жалғасы. Осылайша біз Алматының жедел жәрдем қызметкерлеріне өз алғысымызды білдірдік. Қазір осы жоба аясында елордалық дәрігерлерге қысқы киім табысталды. Бұл бастама біздің «Көмектесуге қуаныштымыз» стратегиямызға сәйкес келеді. Өйткені дәрігерлердің саулығы - бұл бүкіл ұлттың саулығы. Біз заманауи жылы форманы ұсына отырып, дәрігерлердің күнделікті жұмысын жақсартуға үлес қоса алатынымызға қуаныштымыз. Бұл бастама ESG стратегиясының бөлігі болып табылады және біз үшін бірінші орында болып қала береді», - деді «Home Credit Bank» АҚ Басқарма төрағасы Кирил Бачваров.
Астана жедел жәрдем қызметі директордың медицина жұмысы жөніндегі орынбасары Бота Сәдетхан елорданың қысқы жағдайын ескере отырып, қызметкерлердің формасы маңызды рөл атқаратынын және ол жеңіл әрі жылы болуы тиіс екенін атап өтті.
«Жедел жәрдем бригадасының заманауи формасы тек ыңғайлы және функционалды болып қана қоймай, ол бірқатар талаптарға сәйкес келуі де тиіс. Медициналық қызметкерлерді форманың жарқырайтын жолақтары және су мен қаннан қорғау үшін су өткізбейтін қабаты болуы керек. Сондай-ақ жиі дезинфекциялау кезінде форма тозуға төзімді болуы керек. Home Credit Bank ұсынған жаңа форма осы параметрлердің барлығына сәйкес келеді. Астана қаласының жедел жәрдем дәрігерлерінің атынан Home Credit Bank командасына алғыс айтамын».
Елордалық жедел жәрдем қызметкерлеріне арнайы форманы табыстау – 2022 жылғы демеушілік көмектің үшінші бөлігі. Home Credit Bank Алматының жедел жәрдем қызметкерлеріне 2 мың жазғы және 3 мың қысқы жиынтықты тапсырды.
Дәрігерлерді қолдау қазақстандық «еншілес банк» мүшесі болып табылатын Home Credit халықаралық қаржы тобының ESG-стратегиясының бір бөлігіне айналды. Банк өз қызметінде экологиялық, әлеуметтік және басқару принциптерін (ESG) қолданып, олардың келесі негізгі бағыттарына көңіл бөлуде: азаматтарға және қоршаған ортаға қамқорлық жасау, қызметкерлерге әділ қарым-қатынас көрсету және жауапты кредиттеу мен қаржылық қолжетімділікті қамтамасыз ету.