Home Credit Bank Еуропалық қайта құру және даму банкімен (ЕҚҚДБ) 25 000 000 $ көлеміндегі қарыз алу туралы келісім жасасты. Қаржыландыру GEFF Kazakhstan II бағдарламасы аясында берілген және ол тұрғын үйлерін жаңғыртқысы келетін, энергия шығынын азайтқысы келетін және тұрақты өмір салтына көшуге ұмтылатын клиенттерді қолдауға бағытталады.
Кредит арқылы банк клиенттеріне тұрғын үйлерін жаңғырту, энергия тиімділігін арттыру, сондай-ақ экологиялық стандарттарға сай жабдықтар мен технологияларды сатып алу үшін қаржыландыруды ұсына алады. Атап айтқанда, Green Technology Selector онлайн–платформасы қолданылады. Ол клиенттерге сертификациядан өткен және энергия тиімділігін арттыратын шешімдердің тізімін ұсынады.
Бұл жоба гендерлік аспектілер ескерілетін қаржыландыруға ерекше назар аударады. Қолдау әйелдер мен қаржылық қызметтерге қолжетімділігі шектеулі отбасыларға да көрсетілетін болады.
Банк GEFF Kazakhstan II бағдарламасы аясында ЕҚҚДБ-ның жаңа серіктесі болды. Бұл біз үшін тек кредиттеудің жаңа бағыты ғана емес — бұл болашаққа жасалған сенімді қадам. Бұл үйінде, өмірінде және болашаққа деген көзқарасында саналы өзгерістерге қадам жасауға дайын адамдарды қолдаудың бір тәсілі. Біз әр адамның таңдау жасап, қалауына ерік беруге құқығы бар екеніне сенеміз. Ал біз әрқашан қолдау көрсетеміз! Бізде барлығы ашық, оңай әрі сенімді!», – деп атап өтті Home Credit Bank басқарма төрағасы Кирил Бачваров.
Home Credit Bank PPF халықаралық тобына кіреді. 2025 жылғы 1 сәуірдегі жағдай бойынша Банк активтері 1 трлн теңгеден асты, кредиттік портфель 814 млрд теңгені, ал депозиттік портфель шамамен 526 млрд теңгені құрайды. Банк Қазақстан банктері арасында активтер бойынша 12-ші орында тұр