«Home Credit Bank» АҚ жаңа мобильді қосымшасының құпиялылық және дербес деректерді өңдеу саясаты

Жалпы шарттар

1. Осы Саясат «Home Credit Bank» АҚ-ның (бұдан әрі – Банк) Пайдаланушы Home.kz жаңа мобильді қосымшасында тіркеу нысанын толтырған кезде Банк алуы мүмкін жеке тұлғалар (бұдан әрі – Пайдаланушылар) туралы ақпаратты өңдеу және қорғау тәртібін, сондай-ақ Пайдаланушы Home Credit Bank - банк онлайн мобильді қосымшасында (бұдан әрі - Мобильді қосымша) тіркеу нысанын толтырған кезде жарнамалық ақпаратты алуға Пайдаланушының тәртібі мен келісімін анықтайды.

2. Осы Саясаттың мақсаты пайдаланушылар туралы ақпаратты, оның ішінде олардың дербес деректерін рұқсатсыз кіруден және жария етуден тиісінше қорғауды қамтамасыз ету, жарнама туралы, оның ішінде Пайдаланушы жарнамалық ақпаратты алған кезде заңнама нормаларын сақтау болып табылады.

3. Пайдаланушы ұсынатын ақпаратты жинауға, сақтауға, таратуға және қорғауға байланысты қатынастар осы Саясатпен, Банктің өзге де ішкі құжаттарымен және Қазақстан Республикасының қолданыстағы заңнамасымен реттеледі.

4. Осы Саясаттың нормалары Банктің өзге саясатының нормаларымен сәйкес келмеген жағдайда, осы Саясаттың нормалары қолданылмайды.

5. Осы Құпиялылық саясаты шеңберінде өңдеуге рұқсат етілген дербес деректерді Пайдаланушы мобильді қосымшада тіркеу нысанын толтыру жолымен ұсынады және ол келесі ақпаратты қамтиды:

• Пайдаланушының аты-жөні;
• Пайдаланушының байланыс телефоны;
• электрондық пошта мекенжайы (e-mail).

Тіркеу нысанын толтыра отырып, Пайдаланушы осы Саясаттың шарттарымен толық келіседі.

Пайдаланушы өзінің дербес деректерін жібере отырып, жарнамалық ақпарат алу мақсатында мобильді қосымшада тіркеу нысанын толтыру кезінде қалдырылған өзінің дербес деректерін өңдеуге және Банкке беруге келіседі. Сондай-ақ, Пайдаланушы мобильді қосымшада тіркеу нысанын толтыру кезінде Пайдаланушы ұсынған кез келген байланыс арналары бойынша Банктен жарнамалық ақпаратты алуға келіседі.

Сондай-ақ осы Саясат шеңберінде Пайдаланушыға Мобильді қосымшада келесі функциялар қолжетімді болады:

• геолокация деректері, бұл арқылы Мобильді қосымша орналасқан жері бойынша шектеулі ақпаратты дұрыс көрсетеді. 
• телефон кітапшасы, бұл арқылы Банк клиентіне ақша аудару ыңғайлы болады.
• Банктен келетін SMS-хабарламалар, бұл арқылы Мобильді қосымшадағы әрекеттерді растау үшін SMS-кодтар автоматты түрде енгізіледі.

Пайдаланушылар ұсынатын ақпаратты жинау, өңдеу және сақтау мақсаттары

6. Пайдаланушының дербес деректерін өңдеу Қазақстан Республикасының заңнамасына сәйкес жүзеге асырылады. Осы Саясатқа сәйкес Банк пайдаланушының дербес деректерін келесі мақсаттарда өңдейді:

• Пайдаланушыға Банктің атынан Банк көрсететін қызметтер туралы ақпаратты, арнайы ұсыныстарды және өзге де мәліметтерді ұсыну;
• маркетингтік және өзге де зерттеулер жүргізу, оның ішінде бөгде сарапшылардың (үшінші тұлғалардың) көмегіне жүгіну.

Пайдаланушы ұсынған дербес ақпаратты өңдеу шарттары

7. Пайдаланушының дербес деректерін өңдеу осы Саясатта көрсетілген мақсаттар үшін қажетті мерзім ішінде кез келген заңды тәсілмен, оның ішінде автоматтандыру құралдарын пайдалана отырып немесе мұндай құралдарды пайдаланбай ақпараттық жүйелерде жүзеге асырылады.

8. Банк Пайдаланушының дербес ақпаратын заңсыз немесе кездейсоқ қол жеткізуден, жоюдан, өзгертуден, бұғаттаудан, көшіруден, таратудан, сондай-ақ үшінші тұлғалардың өзге де заңсыз әрекеттерінен қорғау үшін қажетті ұйымдастырушылық және техникалық шараларды қабылдайды.

9. Пайдаланушының дербес деректері уәкілетті органдарға немесе өзге де тұлғаларға Қазақстан Республикасының заңнамасында белгіленген негіздер мен тәртіппен ғана берілуі мүмкін.

10. Пайдаланушы тіркеу нысанын толтырған кезде:

• өзі туралы сенімді ақпаратты көрсететінін, барлық басқа ақпаратты Пайдаланушы өз қалауы бойынша ұсынатынын;
• осы Саясатпен танысып, оған келісім беретінін;
• Осы Саясаттың шарттарымен танысқандығын және осы Саясатқа сілтеме астында құсбелгі қойып, Пайдаланушыны ұсынатын дербес деректерді жинауға, сақтауға, өңдеуге өзінің жазбаша келісім беруін растайды.

Қорытынды ережелер

11. Банктің осы Құпиялылық саясатына өзгерістер енгізуге құқығы бар. Саясаттың жаңа редакциясы жарияланған сәттен бастап күшіне енеді.

12. Осы Саясатқа және Құпиялылық саясатын қолдануға байланысты туындайтын Пайдаланушы мен Банк арасындағы қатынастарға Қазақстан Республикасының құқығы қолданылады.