Кредиттер
new
Депозиттер мен инвестициялар
Карталар
Сақтандыру мен қызметтер
Бизнеске арналған

«Банк Хоум Кредит» АҚ ЕБ «Қосымша бонус» жарнамалық акциясын өткізу шарттары.

 

  1. Жалпы ережелер
  2. Авторизация – телефон нөмірі (немесе шарт нөмірі) және жеке құпиясөз арқылы Ақпараттық  ресурсқа кіруге әрекет жасаған кезде Пайдаланушыны растау рәсімі. Растау рәсімі дұрыс орындалса, Пайдаланушы авторизациядан өткен деп есептеледі. 
  3. Агент – «Qazbiz partners» ЖШС, Банкпен шарт негізінде Акцияның Серіктестерін тарта алатын және Серіктестердің тауарлары/қызметтері туралы ақпаратты Ақпараттық ресурста орналастыра алатын компания. 
  4. Акция – Ұйымдастырушы Агентпен бірлесіп өткізетін жарнамалық акция. Акцияның мәні – Банктің Ақпараттық ресурсында авторизациядан өткеннен кейін Акция Серіктестерінің ұсыныстарын Банктің төлем карточкаларымен төлеген жағдайда Акция қатысушысына  қосымша бонус (1.3 т. бонустан басқа) есептеу.
  5. Бонус – Клиент Банктің төлем карточкасын пайдалана отырып карточкалық операцияны жүзеге асырған кезде Банктің өз қаражаты есебінен Банктің төлем карточкасын ұстаушы Клиентке есептейтін балл сомасы. Банк бонустарды Клиенттің бонустық шотына есептейді. Клиент бонустарды Жеке тұлғаларға банктік қызмет көрсету шартында (бұдан әрі - БҚШ) белгіленген тәртіппен және талаптарда пайдаланады. Карточканы пайдалана отырып, шетел валютасымен операциялар жасалған жағдайда, Банк шарттың талаптарына сәйкес операция сомасын айырбастайды және операцияның айырбасталған сомасынан теңгемен бонустарды есептейді; 
  6. Бонустық шот – Бонустарды есептеуді және пайдалануды есепке алу үшін Банк LRP модулінде ашатын ішкі (техникалық шот); 
  7. Өтем - Клиент Акция шарттарын орындаған кезде Карточканы ұстаушы Клиентке Банктің өз қаражаты есебінен төленетін ақша сомасы;
  8. Шарт – Банк пен Клиент арасында жасалған жеке банктік қызметті ұсыну туралы шарт. 
  9. Өтінім – Банктің және Серіктестің есепке алу жүйелерінің көмегімен қадағаланатын Серіктестің тауарларын/қызметтерін сатып алуға бағытталған Пайдаланушының әрекеті;
  10. Ақпараттық ресурс – Android және iOS платформаларына арналған Google Play, App Store дүкендерінде жүктеуге қолжетімді Home Credit Bank Kazakhstan мобильді қосымшасы;
  11. Карточкалық қосалқы өнім – Карточкалық өнімнің шекті мәндері шеңберінен шықпайтын және белгілі бір клиенттік топ үшін ерекше шарттарды қамтитын қаржылық параметрлердің, шарттардың (қарыз мерзімдері, шекті сомалар; мөлшерлеме, сыйақы түрі және оның шекті шамалары; қарызды өтеу әдістері; қарыз беру мен оған қызмет көрсетуге байланысты комиссиялар мен өзге де төлемдердің тізбесі, олардың шекті мөлшерлері; қарызды қамтамасыз етудің болуына қойылатын талаптар) комбинациясы;
  12. Карточкалық өнім – жасалған шарттар шеңберінде кейін төлем карточкасын бере отырып, Банк пен Клиенттің қатынастарын реттейтін қаржылық параметрлердің,  талаптардың, оның ішінде технологиялық операциялардың жиынтығы;
  13. Клиент – Ақпараттық ресурста Өтінім ресімдеген және оны Банктің төлем карточкасын пайдалана отырып төлеген жеке тұлға.
  14. LRP (loyaly reward program) модулі – Банктің Homer/Homer Select  автоматтандырылған жүйесі бонустарды санау мен есептеуді жүргізетін бейілділік және бонустар бағдарламасының  модулі
  15.  «Қосымша Бонус» акциясын (бұдан әрі – Акция) ұйымдастырушы:  «Банк Хоум Кредит» АҚ ЕБ (бұдан әрі – Банк).
  16. Акцияның серіктестері – Ақпараттық ресурста өз тауарлары немесе қызметтері туралы ақпаратты ұсынатын компаниялар. Клиент өз бетінше Акцияның Серіктесін таңдайды. Ол Ақпараттық ресурстан Акция Серіктесінің сайтына рефералдық сілтеме бойынша өтуі тиіс.
  17. Пайдаланушы – Ақпараттық ресурста тіркелген жеке тұлға, бұл ретте ол Банктің клиенті болмауы мүмкін;
  18. Рефералдық сілтеме – Ақпараттық ресурстағы бірегей сілтеме, осы сілтеме арқылы Акция Серіктесінің ұсынысына қол жеткізуге болады. Рефералдық сілтеме бойынша Ақпараттық ресурсты Пайдаланушының Агент, Ұйымдастырушы мен Акция Серіктесі талаптарын орындауы бойынша салыстыру жүргізіледі.
  19. Акцияға қатысушылар - Банктің Ақпараттық ресурсында авторизациядан өткен және Акцияны өткізу кезеңінде Серіктестердің ұсыныстарын Банктің төлем карточкаларымен төлеген жеке тұлғалар, Қазақстан Республикасының азаматтары. 
  20. Акцияны өткізу мақсаты - Банкке клиенттерді тарту және олардың санын арттыру, Клиенттерге Акция Серіктестерінің тиімді ұсыныстарын ұсыну, Банктің төлем карточкалары өнімдерін жылжыту болып табылады.
  21. Ұйымдастырушы, Серіктес немесе Агент қызметкерлері, өкілдері, олармен үлестес тұлғалар, сондай-ақ Акция нәтижесіне әсер ете алатын тұлғалар, олардың отбасы мүшелері Акцияға қатысуға жіберілмейді.

 

  1. Акцияны өткізу кезеңі
    1. Жарнамалық акция 2020 жылғы 14 қазаннан бастап 2022 жылғы 31 наурызға (қоса алғанда) дейін өткізіледі. 

 

  1. Акция туралы ақпарат
    1. Акция туралы ақпаратты тарату жолдары: Банктің www.homecredit.kz сайтында, Банктің әлеуметтік желілеріндегі ресми парақшаларында; Ақпараттық ресурста.

 

  1.   Акцияға қатысу ережелері
    1. Акцияға қатысу үшін Пайдаланушы Ақпараттық ресурста тіркеліп, Банктің төлем карточкасына ие болуы қажет;
    2. Әрбір Серіктес бойынша Акцияға қатысу шарттары мен ережелері, сондай-ақ оларға барлық өзгерістер мен толықтырулар Банктің Ақпараттық ресурсында Серіктестің ұсыныстары парақшасында орналастырылады және оларды Ұйымдастырушы реттейді.
    3. Клиент Серіктестің тауарларды, жұмыстарды және қызметтерді ұсынуына қатысты барлық сұрақтарды Серіктестің қолдау қызметіне тікелей қояды. Серіктестің қолдау қызметіне сілтеме Банктің ақпараттық ресурсындағы Серіктестің ұсыныстары парақшасында орналастырылады. Банк Серіктестің/Агенттің әрекеттері үшін жауап бермейді.
    4. Клиент Ақпараттық ресурста тіркелу кезінде көрсеткен деректері үшін дербес жауапты болады (ұялы телефон нөмірі, аты-жөні және т.б.);
    5. Акция кезеңінде бірнеше төлем карточкаларын ресімдеген және оларды белсендірген Клиент кез келген карточка бойынша акцияға қатыса алады, бұл ретте Шарттар бұзылған (карточканың қолданылу мерзімі өткен, карточка жабылған/бұғатталған) төлем карточкалары есепке алынбайды;
    6. Өтінім басқа банктердің карточкаларымен төленген жағдайда, қосымша бонус есептелмейді.
    7. Банкпен жасалған Шарт мерзімінен бұрын бұзылған, Шарт ресімделген сәттен бастап күнтізбелік 14 күн ішінде бұзылған жағдайда, Клиент қосымша бонус алу құқығынан айырылады. Бұл жағдайда қосымша Бонус есептелмейді. Клиент Акция кезеңінде басқа Шарт ресімдесе, ол қайта  Акция қатысушысы болады.
    8. Клиент Ақпараттық ресурста авторизациядан өтіп, рефералдық сілтеме бойынша Дүкен сайтына өткен кезде, сондай-ақ Банктің төлем карточкасы арқылы Өтінім берген сәтте Акцияның қатысушысы атанады.
    9. Клиент Ақпараттық ресурста авторизациядан өтіп, Серіктестің сайтын аша отырып, қосымша бонус алу ережелерімен (бұдан әрі - Ереже) келіседі.

 

  1.   Қосымша бонусты есептеу тәртібі 
    1. Банк Ақпараттық ресурстан рефералдық сілтеме бойынша Серіктес сайтына өтіп, Банктің төлем карточкасының көмегімен Акция Серіктесінің тауарларын/қызметтерін төлеген Клиенттерге қосымша Бонус есептейді, бұл төлем карточкасын ашқан кезде Банкте жеке тұлғаларға банктік қызмет көрсету шартына (бұдан әрі - БҚШ) сәйкес есептелетін стандартты Бонустан өзгешелінетін басқа бонус.
    2. Қосымша бонусты есептеу карточкалық өнім/қосалқы өнім шарттарына сәйкес LRP модулінде жүргізіледі.
    3. Банк LRP модулінде әрбір клиент бойынша бонустық шотты автоматты түрде ашады. 
    4. Банк есеп айырысу кезеңі үшін қосымша бонусты клиенттің бонустық шотына есеп айырысу күні есептейді және Клиент осы бонусты Ережелер мен БҚШ-да белгіленген тәртіпте және шарттарда пайдаланады. 
    5. Акцияға қатысушыға есептелетін қосымша бонустың мөлшері Серіктестің шарттарына, Өтінім құнына және Банк, Агент пен Серіктес арасындағы басқа да келісімдерге байланысты Банк тарапынан айқындалады.
    6. Жеке тұлғаларға салынатын салық қосымша бонусқа салынбауы мүмкін.
    7. Қосымша бонус операция жүргізілген Банктің төлем карточкасының бонустық шотына есептеледі. Акцияға қатысушы осы бонусты өз қалауы бойынша теңгеге аударып пайдалана алады. 
    8. Акцияға қатысушының бонустық шотына қосымша бонусты есептеу мерзімі икемді және Серіктес өтінімді растағаннан кейін 15-60 күн аралығында төленеді.
    9. Егер өтінім басқа екінші деңгейдегі банктердің төлем карточкасы арқылы ресімделген болса, қосымша Бонус есептелмейді. Клиент сатып алған тауарды қайтарған не төленген қызметтен бас тартқан жағдайда және Банк ол үшін қосымша бонусты есептесе, сондай-ақ Акцияға қатысушының ағымдағы шотына төлемнің тиісті сомасы немесе оның бір бөлігі қайтарылған жағдайда, Акцияға Қатысушыда тиісті операция үшін бұрын есептелген бонустардың сомасын Банкке қайтару бойынша міндеттемелер туындайды, ал Банк қайтаруға жататын қосымша  бонустардың сомасын Қатысушының ағымдағы шотын тікелей дебеттеу арқылы қайтаруға құқылы. Банк төлем карточкасын пайдалана отырып жасалатын болашақ төлемдерге қосымша бонустарды есептеген кезде Банк есептелген қосымша бонусты Клиенттің жойылған қосымша бонус сомасын қайтару жөніндегі міндеттемелерін өтеуге жібереді.
    10. Клиент Банк белгілеген нысандағы өтінішпен жеке өзі Банк бөлімшесіне жүгінген кезде не Банктің байланыс орталығы немесе Ақпараттық ресурс арқылы Бонустық шот бойынша қалдық пен ақша қозғалысына қатысты ақпаратты біле алады.
    11. Төлем карточкасының қолданылу мерзімінің аяқталуына байланысты карточка қайта шығарылса және оның бұрынғы нөмірі сақталса, карточканың қолданылу мерзімі аяқталған кезде есептелген пайдаланылмаған қосымша Бонус сақталады. 
    12. Қосымша бонустың максималды мөлшері Банктің төлем карточкалары бойынша бонус лимитімен шектеледі, ай сайын 15 000 теңге есептелуі мүмкін. Бонустардың қолданылу мерзімі – 18 ай.

 

 

  1. Акцияға қатысушы мен Ұйымдастырушының құқықтары мен міндеттері
    1. Қатысушы өтінімнен бас тартқан немесе осы шарттар немесе қосымша бонус алу ережелерін сақтамаған жағдайда, Банк Қатысушыға қосымша бонус беруден бас тартуға құқылы. 
    2. Банк қызмет сапасын жақсарту және жарнамалық белсенділікті арттыру мақсатында Ақпараттық ресурста қатысушының дербес деректерін жинауды, жазуды, жүйелеуді, сақтауды, нақтылауды (жаңартуды), пайдалануды, беруді, иесіздендіруді,  жоюды, алып тастауды жүзеге асырады. 
    3. Акцияға қатыса отырып, Қатысушы өзінің дербес деректерін еркін, өз еркімен және өз мүддесінде өңдеуге ақпараттандырылған және саналы келісім береді. Келісім Қатысушы оны қайтарып алған сәтке дейін қолданылады. Қатысушы дербес деректерді өңдеуге келісімді кері қайтарып алу әрекеті оның Акцияға одан әрі қатысуына мүмкіндік бермейтінін түсінеді және мұны қабылдайды.
    4. Бағдарламаға қатысушы апта сайынғы негізде Банктің Ақпараттық ресурсында орналастырылған Офертаның өзектілігін тексеруге міндеттенеді.
    5. Банк Серіктестердің/Агенттің әрекеттері мен процестері үшін жауап бермейді

 

  1. Шағымдарды қарау ережелері
    1. Акцияны ұйымдастыруға байланысты шағымдарды Қатысушылар келесі электрондық мекенжайға жібере алады: digital.partners@homecredit.kz. 
    2. Ұйымдастырушылар  Қатысушылардың талап арыздарына қатысты шешімді мұндай талап арызды  алған күннен бастап күнтізбелік 15 (он бес) күннен кешіктірмей қабылдайды. Қатысушыға жауап ұсынылған сұрау форматында жіберіледі.
    3. Серіктестің қызметі бойынша мәселелер туындаған жағдайда Клиент тікелей Серіктеске жүгіне алады. 

 

  1. Өзге шарттар
    1. Бағдарламаға қатысу фактісі Қатысушы осы Шарттармен толық танысқанын және келісетінін білдіреді.
    2. Қатысушының Өтінімдерге қатысты және Қатысушы жасаған кез келген күмәнді операциялар тергеп-тексерілетін болады және Банктік қызмет көрсету шартына сәйкес аударуға жататын қосымша Бонус пен басқа да Бонустардың жойылуына әкеп соғады.
    3. Қатысушы мен Банк арасындағы Банктік қызмет көрсету шартын бұзу Акция талаптарында ұсынылатын артықшылықтардан бас тартуды білдіреді.
    4. Осы Шарттардың акцептін жасай отырып, Қатысушы: ақпараттық ресурстағы SMS, push-хабарламаларды, жіберілімдер мен хабарламалардың өзге де нысандарын пайдалана отырып, электрондық пошта, пошта байланысы, телефон байланысы арқылы Банктен, Агенттен және/немесе Серіктестен ақпарат, оның ішінде жарнамалық сипаттағы ақпарат алуға келісім беретінін растайды.
    5. Ұйымдастырушы кез келген уақытта Жарнамалық акцияны тоқтату немесе ұзарту, жүлде қорының мөлшері мен құрамын өзгерту немесе осы Шарттарды қажет болған жағдайда өзгерту құқығын өзіне қалдырады. Ұйымдастырушы Қатысушыларға Акция шарттарын өзгерту  туралы ақпаратты Ақпараттық ресурс және/немесе бұқаралық ақпарат құралдары және/немесе жарнамалық  материалдар арқылы уақтылы жеткізеді. 
    6. Акцияны өткізуге байланысты туындайтын Қатысушы мен Банк арасындағы қатынастар осы шарттармен және Қазақстан Республикасының заңнамасымен реттеледі.
    7. Серіктес пен Агенттің қарым-қатынасы бірлескен шарттармен реттеледі
    8. Банк пен Агенттің қарым-қатынасы 10-01-2020 ж. № 6655 екіжақты шартпен реттеледі.